15:26 - 08 Dec, 2019
2019-11-07 12:30:31, 870 ნახვა

რეგიონი/
თორნიკე რიჟვაძე აშშ-ის კონგრესმენებთან ერთად ბათუმში მიმდინარე ამერიკულ ინვესტიციას გაეცნო

აჭარის ავტონომიური რესპუბლიკის მთავრობის თავმჯდომარე თონიკე რიჟვაძე ამერიკელ კონგრესმენებთან ერთად ბათუმის პორტში მიმდინარე ინფრასტრუქტურის მშენებლობას გაეცნო.

ამერიკელმა კონგრესმენებმა ბათუმის პორტის პოტენციალის შესახებ ინფორმაცია მოისმინეს და აქცენტი ამერიკული ინვესტიციის მნიშვნელობაზე გააკეთეს.

თორნიკე რიჟვაძემ ქვეყნისთვის და რეგიონისთვის პროექტის მნიშვნელობაზე გაამახვილა ყურადღება.

,,ამერიკელ კონგრესმენებთან ერთად დავათვალიერეთ ბათუმის პორტი და აქ მშენებარე ახალი ტერმინალი, რომელიც ამერიკული ინვესტიციით ხორციელდება. ძალიან სასიხარულოა, რომ ბათუმში ხორციელდება მშენებლობა პირდაპირი ამერიკული ინვესტიციით, რაც კიდევ უფრო მეტ ახალ შესაძლებლობებს შესძენს არა მარტო აჭარას, არამედ მთლიანად საქართველოს" -აღნიშნა თორნიკე რიჟვაძემ.

აღსანიშნავია, რომ ბათუმში ხორციელდება საპორტო ინფრასტრუქტურის მშენებლობა  პირდაპირი ამერიკული ინვესტიციით. კომპანია Wondernet Express Investment Group-ი უმსხვილეს ამერიკულ კორპორაცია Trammo-სთან ერთად ტერმინალის მშენებლობისთვის 20 მილიონი დოლარია გამოყოფილი. პროექტის თანახმად, ცენტრალური აზიის ქვეყნებიდან შავი ზღვის ნავსადგურებში აზერბაიჯანისა და საქართველოს გავლით ლოგისტიკური დერეფანი შეიქმნება. ტერმინალი აღიჭურვება ტვირთის გადატანისთვის საჭირო თანამედროვე ტექნოლოგიით.

კონგრესმენებმა, ადამ კინზინგერმა და ალექსანდერ მუნიმ რეგიონისთვის მნიშვნელოვანი ტერმინალის მშენებლობაზე გაამახვილეს ყურადღება.

,,მნიშვნელოვანია ამერიკული ინვესტიცია ქართულ-ამერიკული თანამშრომლობისთვის. ვუყურებ რა ამ პორტს და მომავალ პოტენციალს, ვხედავ თუ როგორ შეგვიძლია გავაგრძელოთ და გავაძლიეროთ მრავალმხრივი ურთიერთობები, იქნება ეს ეროვნული უსაფრთხოება თუ ეკომიკური უსაფრთხოება. ეს შექმნის სამუშაო ადგილებს, ეს ხელს შეუწყობს ეკონომიკურ ზრდას.

აქ პირველად შვიდი წლის წინ ვიყავი და ვხედავ თუ როგორ შეიცვალა ეს ტერიტორია მას შემდეგ. ვამაყობ იმით, რაც აქ გაკეთდა და იმითაც, რომ მნიშვნელოვანია ამერიკის როლი საქართველოს მომავალი წარმატებისთვის", - განაცხადა ადამ კინზინგერმა.

ამერიკელი კონგრესმენები საქართველოს თავდაცვისა და უსაფრთხოების კონფერენციის ფარგლებში იმყოფებიან.

 

 

(NS)




ავტორი: ექსპრესნიუსი,


სოციალური ქსელები
კომენტარები
ვიდეო/LIVE

თბილისის მუნიციპალიტეტის მთავრობის სხდომა






ნოემბერში 3867 ღია კამერიანი მკვლელი დანადგარი ქსელიდან განმეორებით ჩაიხსნა
ზუგდიდში, ნარკოტიკის შეძენა-შენახვის ბრალდებით, ბერ-მონაზონი დააკავეს

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics