09:19 - 15 Oct, 2019
2019-07-11 20:46:26, 824 ნახვა
გახარია ადასტურებს, რომ სპეციალური საშუალებების, მათ შორის ნარინჯისფერი ტყვის გამოყენებაზე ბრძანება თავად გასცა

შინაგან საქმეთა მინისტრი გიორგი გახარია ადასტურებს გავრცელებულ ინფორმაციას, რომ ნარინჯის ფერის ტყვიების გამოყენებაზე განკარგულება თავად გასცა. 

როგორც გახარიამ "TV პირველის" პირდაპირ ეთერში განაცხადა, ის აქციაზე მიმდინარე პროცეზებზე სრულ პასუხისმგებლობას იღებს. მანვე დასძინა, რომ გადაწყვეტილება კანონის ფარგლებში მიიღო. 

"ბრძანება გავეცი მე. განსაკუთრებით მას შემდეგ რაც ამ აქციამ მიიღო ძალადობრივი ხასიათი, მანამდე უბრალოდ მე იქ არ ვიყავი. მე ვიმოქმედე საქართველოს კონსტიტუციის და საქართველოს კანონმდებლობის ფარგლებში. სწორედ ამ კონსტიტუციის და კანონმდებლობის ფარგლებში გავეცი ის ბრძანება, რომ პოლიციას გამოეყენებინა სპეციალური საშუალებები, რომლებიც არის კანონმდებლობით სრულად გაწერილი. რატომ?! იმიტომ, რომ პოლიციას და შსს-ს ძირითადი ვალდებულებაა ამ ქვეყნის ინსტიტუტები დაიცვას, ასევე დაიცვას სამოქალაქო წესრიგი ამ ქვეყანაში", - განაცხადა გახარიამ. 

ცნობისთვის, ჟურნალისტმა ინგა გრიგოლიამ შს მინისტრს ჰკითხა შეესაბამება თუ არა სიმართლეს ინფორმაცია, რომელიც გიორგი გახარიასთან შეხვედრის შემდეგ ექსპერტებმა გაავრცელეს. კერძოდ, ექსპერტებმა თქვეს, რომ გიორგი გახარიამ ტყვიების გამოყენებაზე ბრძანება თავად გასცა. 




ავტორი: ბელა არუთინოვი, ექსპრესნიუსის რეპორტიორი 2012 წლიდან


სოციალური ქსელები
კომენტარები
ვიდეო/LIVE

იურიდიულ კომიტეტის სხდომზე შალვა თადუმაძის მოსმენა დაპირისპირების ფონზე მიმდინარეობს






გიგა ბოკერია - ხელისუფლების შეცვლის შემდეგ ქვეყანაში ოპონენტების დევნა და შურისძიება არ უნდა დაიწყოს
დაუჭამიათ ერთმანეთი „ნაციონალებს“ - ირაკლი კობახიძე

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics