22:56 - 28 Jan, 2020
2020-01-15 15:49:07, 437 ნახვა

კომენტარი/
ვახტანგ რობაქიძე - ანრი ოხანაშვილს ქვეყნის მოღალატე ვუწოდე და ამის გამო პოლიციაში დარეკა

„ანრი ოხანაშვილს მივმართე, რომ ის არის ქვეყნის გამყიდველი და მოღალატე, რის გამოც  მან დარეკა პოლიციაში“, - ამის შესახებ პარლამენტის იურიდიულ საკითხთა კომიტეტის თავმჯდომარის, ანრი ოხანაშვილის მიმართ მუქარის ფაქტზე დაკავებულმა ვახტანგ რობაქიძემ განაცხადა.

ამასთან, რობაქიძე ამბობს, რომ ის ოხანაშვილს ინციდენტამდეც იცნობდა.

„ანრი ოხანაშვილს მივმართე, რომ ის არის ქვეყნის გამყიდველი, მოღალატე. ამის გამო, მან დარეკა პოლიციაში და დღეს დამაკავეს, მომისაჯეს 3 დღით თავისუფლების აღკვეთა. სხვა არაფერი. ვიცნობდი. ვერ აიტანა ის, რომ ვუთხარი ქვეყნის მოღალატე ხარ-მეთქი. რაც რეალურია, ის ვუთხარი, მეტი არაფერი მითქვამს“, - განაცხადა ვახტანგ რობაქიძემ.

შეგახსენებთ, რომ ანრი ოხანაშვილის მიმართ, რომელიც ოჯახთან ერთად ბაკურიანის ერთ-ერთ რესტორანში ვახშმობდა, მისთვის უცნობმა მოქალაქემ მუქარა განახორციელა. აღნიშნულთან დაკავშირებით, შსს-მ  გამოძიება სისხლის სამართლის კოდექსის 151-ე მუხლით დაიწყო, რაც სიცოცხლის მოსპობის, ჯანმრთელობის დაზიანების ან/და ქონების განადგურების მუქარას გულისხმობს, ხოლო ინციდენტში მონაწილე ერთი პირი ადმინისტრაციულ სამართალდარღვევათა კოდექსის 173-ე მუხლით დააკავა, რაც სამართალდამცველის მიმართ დაუმორჩილებლობას გულისხმობს. ახალციხის რაიონულმა სასამართლომ აღკვეთის ღონისძიების სახით ბრალდებულს სამ დღიანი პატიმრობა შეუფარდა.




ავტორი: ექსპრესნიუსი,


სოციალური ქსელები
კომენტარები
ვიდეო/LIVE

საქართველოს გენერალური პროკურორობის კანდიდატებთან გასაუბრება






თემირლან მაჩალიკაშვილის საქმეზე გამოძიება შეწყდა - მოკლულის ოჯახი და ოპოზიციის წარმომადგენლები პროკურატურის დასკვნას უნდობლობას უცხადებენ
NBA-ის ლეგენდას, კობი ბრაიანტს, მსოფლიო ემშვიდობება

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics