22:56 - 30 Mar, 2020
2020-01-12 20:33:27, 8876 ნახვა

ციტატცები/
ნაჯა ორაშვილი - მსროლელმა მთელი ქალაქის გავლით სახლიდან მოიტანა იარაღი და კლუბის გარე პერიმეტრზე 15-ჯერ გაისროლა

ბასიანის დამფუძნებელი ნაჯა ორაშვილი გამოეხმაურა კლუბის გარეთ მომხდა გუშინდელ ინციდენტს, რომლის შედეგადაც შსს-მ 39 წლის პირი დააკავა.

ორაშვილი წერს, რომ კლუბიდან გაძევების შემდეგ, მოძალადემ სახლიდან მოიტანა იარაღი, რომლითაც კლუბის შესასვლელთან 15-ჯერ გაისროლა.

"კლუბის ტერიტორიაზე არტისტის მოსაწვევით შემოსულმა და რამდენიმე წუთში კლუბის წესების დარღვევის გამო, ყოველგვარი კონფლიქტის, სიტყვიერი თუ ფიზიკური დაპირისპირების გარეშე გაძევებულმა პირმა, მთელი ქალაქის გავლით, სახლიდან მოიტანა 12 კალიბრიანი, ოფიციალურად გაფორმებული ავტომატური სანადირო ცეცხლსასროლი იარაღი და კლუბის გარე პერიმეტრზე 15-ჯერ გაისროლა.

დაცვის წევრების სწრაფმა რეაგირებამ, რომლებმაც დროულად ჩაკეტეს კლუბის შემოსასვლელი რკინის კარი, თავდამსხმელისგან იხსნა სტუმრები. მაგრამ ჩვენი ოჯახის სამი წევრი მაინც დაშავდა. ორი მათგანი ფეხის, ერთი კი ზურგის არეში დაიჭრა, რომლებსაც დღეს დილით გაუკეთდათ ოპერაცია. მათი მდგომარეობა სტაბილურია, თუმცა ისევ რჩებიან საავადმყოფოში.

ვერაფერს დავწერ იმ სტრესულ და ტრავმატულ მდგომარეობაზე, რომელშიც კლუბის კარში მომუშავე ადამიანები და სტუმრები იმყოფებიან, რომლებმაც სიკვდილს ჩახედეს თვალებში.

ოფიციალური ინფორმაციით თავდამსხმელი მხოლოდ ალკოჰოლის ზემოქმედების ქვეშ იმყოფებოდა და უკვე დაკავებულია. უნდა აღინიშნოს, რომ 39 წლის მოძალადე წარსულშიც ნასამართლევია. მან 2010 წელს ნასვამ მდგომარეობაში არაერთი გასროლის შედეგად დააზიანა აფთიაქი, რომელშიც ფსიქოტროპული მედიკამენტების ყიდვაზე უთხრეს უარი. 9 წლის შემდეგ, სამწუხაროდ, ამ ადამიანის სამიზნე ჩვენ აღმოვჩნდით.

სიტყვები არ მეყოფა იმის აღსაწერად, როგორი მამაცი და უშიშარი გუნდი იცავს ბასიანს, რომლებიც წარმოუდგენელ სიყვარულსა და ერთგულებას ამტკიცებენ უკვე მერამდენე წელია და რამხელა რისკის ფასად უჯდება კლუბის ოჯახის თითოეულ წევრს ჩვენი უსაფრთხოება. ეს არის დიდი სიყვარულის საზღაური, რომელიც გვაძლევს ძალას, რომ ერთად ვიდგეთ, ვიყოთ სოლიდარულები და ვიბრძოლოთ ჩაგვრისა და ძალადობის წინააღმდეგ - თანასწორობისვთის.

ჩვენი კარი მუდამ ღია იყო სხვადასხვა სოციალური ჯგუფისთვის, რადგან გვჯერა ცვლილებების. არაერთხელ გვინახავს ერთ ღამეში შეცვლილი ადამიანები - ეს იყო დაუღალავი შრომის შედეგი, გაგვეზიარებინა ის ხედვები, ცოდნა და ღირებულება, რისთვისაც ვიბრძვით და რის გამოც შეიქმნა ეს სივრცე. სწორედ ეს არის ბასიანი, ეს სივრცე ყველასია და ვერანაირი მსგავსი შემზარავი შემთხვევა ვერ შეგვაცვლევინებს იმ აზრს, რომ საზოგადოების გარკვეული ჯგუფები არ გავრიყოთ. ჩვენ მუდამ ვიყავით, ვართ და დავრჩებით ღია და მიმღებლურ სივრცედ.

და ბოლოს, დარწმუნებული ვარ, დღეს ქვეყანაში არსებული უმძიმესი მდგომარეობის გათვალისწინებით, ეს ისტორია არავისთვის იქნება შიშისმომგვრელი, არამედ გახდება კიდევ ერთი დასტური, რომ მსგავსი სივრცეები ყველაზე უსაფრთხო და თავისუფალი ადგილებია მთელს ქვეყანაში, რომელსაც დაცვა და გაფრთხილება სჭირდება. - წერას ნაჯა ორაშვილი.




ავტორი: ექსპრესნიუსი,


სოციალური ქსელები
კომენტარები

კორონავირუსი - ყველა სიახლე

2020-03-30 21:08:33

მივხვდი,რომ ეს ის გვირგვინი არაა, რომელსაც მთელი ცხოვრება ველოდი-პრინცი ჩარლზი გამოჯანმრთელდა

2020-03-30 17:02:31

საქართველოში კორონავირუსით ინფიცირებულთა რაოდენობა 100-მდე გაიზარდა

2020-03-30 15:17:03

ესპანეთში გასული დღე-ღამის განმავლობაში COVID-19-ს 812 ადამიანი ემსხვერპლა, ინფიცირებულთა რიცხვით კი ქვეყანამ ჩინეთს გადაუსწრო

2020-03-30 14:36:03

რესპუბლიკური საავადმყოფოს დირექტორის თქმით, მათ საავადმყოფოში Covid19-ის დადასტურებული შემთხვევით არც ერთი პაციენტი არ მკურნალობს

2020-03-30 14:30:12

ბრიტანეთის პრემიერ-მინისტრის მთავარი მრჩეველი, დომინიკ კუმინგი კორონავირუსის სიმპტომების გამოვლენის შემდეგ, თვითიზოლაციაშია

ვიდეო/LIVE

პარლამენტის ხდომა სადაც საგანგებო მდგომარეობა უნდა გამოცხადდეს - Live







არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics