22:17 - 10 Dec, 2019
2019-12-02 21:11:44, 724 ნახვა

კომენტარი/
მაქარაშვილი აცხადებს, რომ პოლიციამ აქციის მონაწილეებს ტერიტორიიდან ავტობუსებით გაყვანა შესთავაზა, თუმცა უარი თქვეს

სამოქალაქო მოძრაობის „ქვეყნის სამსახურში“ ერთ-ერთი ლიდერი გიგა მაქარაშვილი აცხადებს, რომ პოლიციამ „ქართული ოცნების“ ოფისთან შეკრებილ აქციის მონაწილეებს ტერიტორიიდან ავტობუსებით გაყვანა შესთავაზა.

როგორც მაქარაშვილმა აღნიშნა, ისინი შემოთავაზებას არ დათანხმდნენ და დაშლას არ აპირებენ იქამდე, სანამ ეს მათი სურვილი არ იქნება.

„ეს არის ტრადიციული სცენარი, გახარიას ხელწერა, რომ ჩვენივე უსაფრთხოებისთვის უნდათ რომ გაგვიყვანონ ყვითელი ავტობუსებით, თუმცა ცირკის ცხოველებივით არ ჩავჯდებით ყვითელ ავტობუსებში. ეს არის ჩვენი უფლება კონსტიტუციით გარანტირებული უფლება, რომ ვიყო, ვიდგე იქ სადაც მინდა, რამდენი ხანიც მინდა, როცა არ ვარღვევ არც ერთ კანონს. ახლა პოლიცია უბრალოდ ვალდებულია დაიცვას ჩემი უფლება, კონსტიტუციით გარანტირებული უფლება, რასაც 2 საათის განმავლობაში პოლიცია არ აკეთებდა. მათ მისცეს რამდენჯერმე სხვადასხვა ფლანგიდან შემოტევის საშუალება. არც ერთი მოძალადე არ დაუჭერიათ. 5 ადამიანი დაშავდა, მათ შორის არასრულწლოვნები, გოგონები და ბიჭები. რამდენიმეს თვალში მოხვდა შუშხუნები, რომლებსაც ისროდნენ. ადამიანები რომლებიც ძალადობენ და აქ დგანან, პოლიცია მათ არ იჭერს. ეს არის პირდაპირი მესიჯი ივანიშვილისგან, რომ მან პოლიციას მისცა მწვანე შუქი, რომ დაგვარბიონ ვიღაცებმა, ვისაც ფულს უხდიან და პოლიციამ რეაგირება არ მოახდინოს. არ ვაპირებთ არსად წასვლას, სანამ არ მოგვინდება“, - განაცხადა გიგა მაქარაშვილმა.

ცნობისთვის, „ქართული ოცნების“ ოფისთან სამოქალაქო მოძრაობები - „ქვეყნის სამსახურში“ და „შეცვალე“ საპროტესტო აქციის მართავენ. ისინი მცხეთაში მოძრაობა „გაბედეს“ აქტივისტებზე მომხდარ თავდასხმას აპროტესტებენ.




ავტორი: ექსპრესნიუსი,


სოციალური ქსელები
კომენტარები
ვიდეო/LIVE

თბილისის მუნიციპალიტეტის მთავრობის სხდომა






ქართველის მიერ 120 000 დოლარად შეფასებული ბანანის შეჭმა პერფომანსი აღმოჩნდა
ნოემბერში 3867 ღია კამერიანი მკვლელი დანადგარი ქსელიდან განმეორებით ჩაიხსნა

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics