15:56 - 22 Jul, 2019
2019-07-11 20:22:17, 291 ნახვა
​გახარია: როდესაც პარლამენტს ესხმიან, დგახარ გადაწყვეტილების წინაშე, გადაარჩინო შენი იმიჯი ან კანონიერი გადაწყვეტილება მიიღო

შინაგან საქმეთა მინისტრის გიორგი გახარიას განცხადებით, იმ შემთხვევაში თუ ის თანამდებობას დატოვებას ეს პასუხისმგებლობისგან გაქცევის ტოლფასი იქნება.

როგორც მინისტრმა ინგა გრიგოლიასთან ინტერვიუში განაცხადა, პოსტის დატოვება მისთვის ყველაზე მარტივი გამოსავალი იქნებოდა. 

გარდა ამისა, გახარია ტელეკომპანიასთან მიმდინარე აქციასაც გამოეხმაურა, რომელზეც მის გადადგომას ითხოვენ. შს მინისტრის თქმით, აქციის მონაწილეებს აქვთ გულრწფელი პროტესტი, თუმცა მათ არ იციან რას ნიშნავს სახელმწიფო სამსახურში ყოფნა. 

"ჩვენ არ ვსაუბრობთ თანამდებობაზე. ყველაზე მარტივი გამოსავალია ჩემთვის ახლა გადადგომა და წასვლა, თუმცა წასვლა ამ მომენტში, და აბსოლუტურად გეუბნებით ამას ეს არის ჩემთვის პასუხისმგებლობისგან გაქცევა. არა პასუხისმგებლობის აღება, არამედ მისგან გაქცევა. ის რასაც ეს ახალგაზრდები ახლა საუბრობენ, როდესაც გულრწფელად გამოთქვამენ თავის აზრს და შეცოდებაზე საუბრობენ, მათ ჯერ არ აქვთ გათვითცნობიერებული რას ნიშნავს იყო სახელმწიფო სამსახურში, რას ნიშნავს იყო საქართველოსნაირ ქვეყანაში შინაგან საქმეთა მინისტრი და რას ნიშნავს, როდესაც შენი ქვეყნის პარლამენტს, რომელსაც ბოლო 30 წლის განმავლობაში რამდენჯერმე იყო შტურმით აღებული. კიდევ ერთხელ, მესამედ ესხმიან თავს სისტემურად, ჯგუფურად და ორგანიზებულად. ოკუპაციის საფარქვეშ კონკრეტული პოლიტიკოსები ადამიანების ემოციებს გადააქცევენ ფიზიკურ შეტევად პარლამენტის შენობაზე და ინსტიტუციების ნგრევით, ჩამოშლას ცდილობენ, როდესაც დღესაც ვერ ხსნიან რა იყო მიზანი და რა იქნებოდა შემდეგი ნაბიჯი და შენ შს მინისტრი ან რომელიმე თანამდებობის პირი დგახარ გადაწყვეტილების წინაშე, რა უნდა გააკეთო - გადაარჩინო შენი იმიჯი ან მიიღო გადაწყვეტილება რომელიც არის სწორი და კანონიერი. მინდა იმ ახალგაზრდებს, ვინც გარეთ დგანან და სწამთ, რომ მართალ საქმეს აკეთებენ, და იმ პოლიტიკოსებსაც, რომლებიც მათ ზურგს უკან დგანან, კონკრეტული პარტიის კონკრეტულ აქტივისტებს, მინდა ვუთხრა, რომ ამ ქვეყანაში ფიზიკური ძალის გამოყენებით, პარლამენტის შენობაში შეჭრით, ძალაუფლების შეცვლა ან სხვა სახის პოლიტიკური პრეფერენციის მოპოვება შეუძლებელია", - განაცხადა გიორგი გახარიამ. 




ავტორი: ბელა არუთინოვი, ექსპრესნიუსის რეპორტიორი 2012 წლიდან


სოციალური ქსელები
კომენტარები
ვიდეო/LIVE

სტრასბურგის გადაწყვეტილება რუსთავი 2-ის საქმეზე - იუსტიციის მინისტრის ბრიფინგი






ირაკლი ოქრუაშვილი აცხადებს, რომ რუსთავი 2 მისია
საქართველო სახიფათო რეგიონი ხდება - გავრილოვი

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics