15:15 - 18 Oct, 2019
2019-07-08 13:51:34, 7602 ნახვა
​რუსეთის საგარეო R2-ზე: 20 ივნისისგან განსხვავებით საქართველოს ხელისუფლებამ რადიკალების გამართლება არ დაიწყო

რუსეთის საგარეო საქმეთა სამინისტრო „რუსთავი 2“-ის წამყვანის, გიორგი გაბუნიას მიერ კრემლის ლიდერის ვლადიმერ პუტინის მიმართ გაჟღერებულ უცენზურო ლექსიკას ეხმაურება. 

რუსეთის საგარეო მიესალმება იმ ფაქტს, რომ "საქართველოს ხელისუფლება "რუსთავი 2"-ის ეთერში გაჟღერებულ განცხადებას გაემიჯნა". 

"კატეგორიულად ვგმობთ თავისი სიმდაბლით უპრეცედენტო გამოხტომას, რომელიც რუსეთის ხელმძღვანელობის მისამართით უცენზურო გამონათქვამების გამოყენებით, "რუსთავი 2"-ზე განხორციელდა. ამას განვიხილავთ, როგორც კიდევ ერთ აშკარა პროვოკაციას საქართველოს რადიკალური ძალების მიერ, რომელიც რუსეთ-საქართველოს ურთიერთობების ძირის გამოსათხრელად არის მიმართული.

აღსანიშნავია, რომ 20 ივნისისგან განსხვავებით საქართველოს ხელისუფლებამ არ დაიწყო რადიკალების გამართლება და საკუთარ თავში ძალა იპოვა გაემიჯნოს პროვოკაციას და მათი ქმედება დაგმოს. ვხედავთ იმ სამართლიან პროტესტსაც, რომელიც ქართულმა საზოგადოებამ გამოხატა. 

ველით ადეკვატურ რეაქციებს პროფილური საერთაშორისო და რეგიონული ორგანიზაციებისა და ჟურნალისტური საზოგადოებების მხრიდან. მსგავს გამოვლინებებს ცივილურ ქვეყნებში ადგილი არ უნდა ჰქონდეს", - ნათქვამია განცხადებაში. 

შეგახსენებთ, რომ გუშინ "რუსთავი 2"-ის გადაცემა P.S-ს წამყვანმა გიორგი გაბუნიამ რუსეთის პრეზიდენტ ვლადიმერ პუტინს პირდაპირი ეთერის დროს უცენზურო ლექსიკით მიმართა. წამყვანის ამ განცხადების შემდეგ, "რუსთავი 2"-ის შენობასთან მალევე უკმაყოფილე მოსახლეობა შეიკრიბა. მოქალაქეები რამდენიმე საათის განმავლობაში აქციას მართავდნენ. მომიტინგეებს სხვა და სხვა მოტხოვნები ჰქონდათ, კერძოდ, აქციის მონაწილეების ერთი ნაწილი, ითხოვდა, რომ გიორგი გაბუნიას ბოდიში მოეხადა, ნაწილი მის გათავისუფლებას ითხოვდა, იყვნენ მოქალაქეები რომლებიც აცხადებდნენ, რომ წამყვანმა ქვეყანა უნდა დატოვოს. კიდევ რამდენიმე მოქალაქე გაბუანიასთან ერთად ტელეკომპანიის გენერალური დირექტორის ნიკა გვარამიას გათავისუფლებასაც ითხოვდა. აღსანიშნავია, რომ ტელეკომპანიის შენობასთან, მმართველი გუნდის ღია მხარდამჭერები და აქტივისტები იმყოფებოდნენ. გარდა ამისა, ტელეკომპანია რამდენიმე თანამშრომელმა, მათ შორის ოპერატორმა დატოვა. ამ პროცესების ფონზე, ნიკა გვარამიამ განცხადება გაავრცელა და აღნიშნა, რომ "რუსთავი 2" გაბუნიას გამოხატვის ფორმას არ იზიარებს. გარდა ამისა, მან აქციის მონაწილეებს ხელისუფლების მიერ წაქეზებული ბანდერლოგები უწოდა. მოგვიანებით, ტელეკომპანიამ პროტესტის ნიშნად მაუწყებლობა შეწყვიტა, თუმცა რამდენიმე საათის შემდეგ "რუსთავი 2"-მა მუშაობა ისევ განაახლა. 




ავტორი: ბელა არუთინოვი, ექსპრესნიუსის რეპორტიორი 2012 წლიდან


სოციალური ქსელები
კომენტარები
ვიდეო/LIVE

საქართველოს პარლამენტის საშემოდგომო პლანარული სხდომა






პლენარულ სხდომაზე გიგა ბოკერია და ილია ნაკაშიძე ერთმანეთს დაუპირისპირდნენ
რომან კაკულია - „ენდიაის“ კვლევებზე დაფუძნებული საგარეო პოლიტიკა არასოდეს არ იქნებოდა ამსახველი იმის, რაც არის მთავარი რეალობა

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics