02:02 - 22 Sep, 2019
2019-06-12 16:28:04, 407 ნახვა
ვილნიუსის რეაბილიტირებული სკვერი ივლისში გაიხსნება

მთაწმინდის გამგეობა ჭონქაძის ქუჩაზე მდებარე ვილნიუსის სკვერის სრულ რეაბილიტაციას ივლისში დაასრულებს. სწორედ ამ დროიდან შეძლებენმოქალაქეები, ისარგებლონ ევროპული სტანდარტებით შექმნილი, თანამედროვე და მათთვის მორგებული რეკრეაციული სივრცით, სადაცლიეტუვას კულტურულ სახესაცგაეცნობიან.

ამჟამად, სკვერში სარეაბილიტაციო სამუშაოების ბოლო ეტაპი მიმდინარეობს, რომელიც რაიონის გამგებელმადავით კირკიტაძემ, პროექტის ავტორთან, არქიტექტორ რიტისციკანავიჩიუსთან ერთად დაათვალიერა.კონტრაქტორი კომპანია „გრინსერვისის“ წარმომადგენლებმა მათ დარჩენილი სამუშაოების, გამწვანებისა და სკვერის შესაბამისი ინვენტარით აღჭურვის შესახებ ინფორმაცია დეტალურად გააცნეს. 

განახლებულ სკვერში ამ ეტაპზე დეკორატიული შადრევნის მოწყობა მიმდინარეობს, სადაც ვილნიუსის ანგელოზის ქანდაკება დაიდგმება. უკვე დასრულებულია ლითონის პერგოლას მონტაჟი, რომელიც ხვიარა მცენარეებით გამწვანდება.ტერიტორიაზე, ასევე, მთლიანად შენარჩუნდება მწვანე საფარი და ახალი ნარგავებიც გაშენდება. 

განსაკუთრებული ყურადღება დაეთმობა საბავშვო ზონების მოწყობას - დამონტაჟდება თანამედროვე ტიპის ატრაქციონები, მათ შორის, საქანელა შშმ პირებისთვის. მოეწყობა მუსიკალური სივრცე ქუჩისთვის ადაპტირებული ლითონის საკრავებით. სრულიად შეიცვლება და მხატვრული ეფექტით განახლდება განათების სისტემა, მოეწყობა ადაპტირებული წყარო, დაიდგმება თანამედროვე ტიპის ურნები, მათ შორის, ურნა ცხოველთა ექსკრემენტებისთვის. 

აღნიშნული პროექტი, რომელიც მთაწმინდის გამგეობას საჩუქრად ლიეტუვურმა მხარემ გადასცა, გამგეობის ბიუჯეტიდან ფინანსდება. მისი ღირებულება 930 ათასი ლარია.

 

(NS)




ავტორი: ექსპრესნიუსი,


სოციალური ქსელები
კომენტარები
ვიდეო/LIVE
" data-width="330" data-show-text="false">
" class="fb-xfbml-parse-ignore">">

#სირცხვილია - საპროტესტო აქცია გრძელდება






მრავალათასიანი აქცია და მისი ორგანიზატორების მოთხოვნები
ათასობით მოქალაქეს ერთზე მეტ სამსახურში მუშაობა შეეზღუდება - სკანდალური კანონი

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics