18:48 - 16 Jun, 2019
2019-06-10 15:43:42, 348 ნახვა
ლონდა თოლორაია გოგიჩაიშვილს: არასოდეს შემისრულებია პოლიტიკური დაკვეთა - წარმატების მიზეზი ჩემი კეთილსინდისიერებაა

„მე არასოდეს მივეკუთვნებოდი არც ერთ პოლიტიკურ პარტიას, არ შემისრულებია არც ერთი პოლიტიკური დაკვეთა, ჩემი წარმატების მიზეზი ჩემი კეთილსინდისიერებაა“, - ასე უპასუხა სახელმწიფო ინსპექტორობის ერთ-ერთმა კანდიდატმა ლონდა თოლორაიამ ადამიანის უფლებათა კომიტეტის სხდომაზე დეპუტატის ლევან გოგიჩაიშვილის კითხვას წინა ხელისუფლების დროს მისი კარიერული წინსვლის შესახებ.

როგორც თოლორაიამ აღნიშნა, არც ერთ საფეხურს არ ნანობს, რომელიც წინა ხელისუფლების პერიოდში, პროკურატურაში გაიარა.

„თავდაპირველად მე ვიყავი სტაჟიორ - პროკურორი, მერე რიგითი პროკურორი. ამ პერიოდში ცხადია, მე მიწევდა როგორც გამოძიების წარმოება, ისე საპროკურორო ზედამხედველობის განხორციელება და ვერ დამისახელებთ ვერც ერთ სისხლის სამართლის საქმეს, სადაც პროცესის რომელიმე მონაწილე იტყვის, რომ ლონდა თოლორაიამ რაიმე ეტაპზე მისი უფლებები დაარღვია. შესაბამისად, მე არ ვნანობ არც ერთ იმ საფეხურს, რომელიც პროკურატურაში გავატარე. პირიქით, ვამაყობ ყველა ეტაპზე ჩემი გაკეთებული საქმით იმიტომ, რომ ვერასოდეს ვერავინ იტყვის, რომ რომელიმე ეტაპზე არაკეთილსინდისიერად ან კანონის უხეში დარღვევით ვახორციელებდი ჩემს სამსახურებრივ უფლებამოსილებას. რაც შეეხება მეორე ეტაპს, უკვე გახლდით მენეჯერი საპროკურორო საქმიანობაზე ზედამხედველობის დეპარტამენტში და აქაც თქვენ ნახავთ ჩემ მიერ ხელმოწერილ არაერთ დოკუმენტს, რომელიც გენერალურ ინსპექციაში არის გაგზავნილი. მათ მე ვატყობინებდი პროკურორთა გადაცდომის შესახებ, თუ ასეთს ადგილი ექნებოდა. შესაბამისად, ვფიქრობ, ის იერარქიული და პროფესიული წარმატება, რომელიც მე ამ სისტემაში მქონდა, იყო მხოლოდ ერთადერთი მიზეზის დამსახურება - ყოველთვის კეთილსინდისიერად ვასრულებდი აბსოლუტურად ყველა პოზიციაზე ჩემთვის დაკისრებულ მოვალეობას. მე არ ვარ პოლიტიკოსი, შესაბამისად, რეჟიმების შეფასებისგან თავს შევიკავებ“, - განაცხადა ლონდა თოლორაიამ.




ავტორი: ექსპრესნიუსი,


სოციალური ქსელები
კომენტარები
ვიდეო/LIVE

ლგბტ მხარდამჭერების და მოწინაღმდეეგების აქცია - პირდაპირი






რა პოლიტიკის ნაწილია საპატრიარქოში სიძულვილის ქადაგება და ძალადობისკენ მოწოდება?
რუსუდან გოცირიძე - 17 მაისი ყოველ დღე მეორდება აგრესიით და სიძულვილით

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics