19:03 - 16 Jun, 2019
2019-06-10 13:30:33, 385 ნახვა
სერგი კაპანაძე: საარჩევნო უბნებზე „ძველი ბიჭები“ და პოლიცია შეთამაშებულად მოქმედებდნენ

„კრიმინალი და ის მთავარი უწყება, რომელმაც კრიმინალს უნდა ებრძოლოს,  ხელისუფლების ინტერესებს ერთად იცავენ“, - ამის შესახებ „ევროპული საქართველოს“  ერთ-ერთმა ლიდერმა, სერგი კაპანაძემ დღეს გამართლ ბრიფინგზე განაცხადა.

როგორც მან აღნიშნა, მაჯორიტარული არჩევნების მეორე ტურში პოლიცია და კრიმინალური ავტორიტეტები „შეთამაშებულად იცავდნენ ხელისუფლების ინტერესებს“.

„ბატონი გახარია მთელი ამ პერიოდის განმავლობაში, მათ შორის გუშინაც ამბობდა, რომ თუკი სადმე ნახავდა ნებისმიერ უკანონო ნაბიჯს, თუკი სადმე ნახავდა, რომ იქნებოდნენ კრიმინალები ან იქნებოდა ასეთი ტიპის ინცინდენტები, პოლიცია მოახდენდა მყისიერ რეაგირებას, მერე თავისი ტრადიციული „წერტილიც“ დააყოლა. მყისიერი რეაგირება კი არა, პირდაპირ იყო შეთამაშებული პოლიცია და ეს ძველი ბიჭები უბნებზე, ისინი პირდაპირ მოქმედებდნენ, ასე ვთქვათ, სიმბიოზით. ეს არის ძალიან სახიფათო ჩვენი ქვეყნის მომავლისთვის. ეს ნიშნავს, რომ პრაქტიკულად კრიმინალი და ის მთავარი უწყება, რომელიც კრიმინალს უნდა ებრძოლოს, იცავს ხელისუფლების ინტერესებს, რაც ძალიან სახიფათოა. ამიტომ ჩვენ გვექნება მოთხოვნა, რომ ყველა ეს ადამიანი, რომელიც ამაში იღებდა მონაწილეობას იყოს დასჯილი და პოლიტიკური პასუხისმგებლობა ამაზე უნდა აიღოს ხელისუფლებამ, იმიტომ, რომ აქ არათუ მყისიერი რეაგირება, არამედ პირდაპირ, ერთობლივი ქმედებები შეინიშნებოდა გუშინ, მთელი დღის განმავლობაში.

როგორც ჩანს, ასე აპირებენ ისინი მომავალშიც არჩევნებზე ზემოქმედებას, მაგრამ მინდა მოსახლეობას მივმართო და მოვუწოდო, რომ ამის არ უნდა შეგვეშინდეს, რადგან ეს არის მხოლოდ და მხოლოდ აგონიაში მყოფი ხელისუფლების ნაბიჯები. შეუძლებელია, რომ ხელისუფლება შეინარჩუნო კრიმინალებზე დაყრდნობით და იმის იმედად, რომ საჯარო სამსახურში დასაქმებული მოქალაქეები, რამდენიმე ასეული ლარის გამო იქნებიან ბოლომდე შენთან, ეს არის მათი ბოლო იმედი“, - განაცხადა სერგი კაპანაძემ.

შეგახსენებთ, გუშინ მთაწმინდის მაჟორიტარულ ოლქში პარლამენტის რიგგარეშე არჩევნები გაიმართა. ცესკო-ს ბოლო მონაცემებით, „ქართული ოცნების“ კანდიდატმა ლადო კახაძემ 62.19 პროცენტი მიიღო, ხოლო „თავისუფალი დემოკრატები - ევროპული საქართველოს“ კანდიდატმა შალვა შავგულიძემ 37.81 პროცენტი.




ავტორი: ექსპრესნიუსი,


სოციალური ქსელები
კომენტარები
ვიდეო/LIVE

ლგბტ მხარდამჭერების და მოწინაღმდეეგების აქცია - პირდაპირი






რა პოლიტიკის ნაწილია საპატრიარქოში სიძულვილის ქადაგება და ძალადობისკენ მოწოდება?
რუსუდან გოცირიძე - 17 მაისი ყოველ დღე მეორდება აგრესიით და სიძულვილით

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics