02:49 - 16 Jun, 2019
2019-05-25 10:52:17, 270 ნახვა
ბათუმში ბიზნესის წარმომადგენლებთან შეხვედრა გაიმართა

აჭარის მთავრობის ორგანიზებით ქართველი და უცხოელი ბიზნეს წრეების წარმომადგენლებთან შეხვედრა გაიმართა. შეხვედრის მიზანს დამსწრე საზოგადოებისთვის აჭარაში არსებული საინვესტიციო პოლიტიკის გაცნობა წარმოადგენდა. ღონისძიების მონაწილეებს აჭარის მთავრობის თავმჯდომარე მიესალმა. თორნიკე რიჟვაძემ რეგიონში ეკონომიკის ზრდის მნიშვნელობაზე ისაუბრა და ყურადღება გაამახვილა მცირე და საშუალო ბიზნესის როლზე ჩვენი ქვეყნის ეკონომიკაში.

,,მთავრობა ბიზნესთან ერთად, უწყვეტ რეჟიმში მუშაობს, რომ გაატაროს ის მაკროეკონომიკური პოლიტიკა, რომელიც უზრუნველყოფს ამ მაჩვენებლის გაუმჯობესებას, ეროვნული დანაზოგების ზრდას და უზრუნველყოფს მეტი ინვესტიციის მოზიდვას. სწორედ ამიტომ არის ეკონომიკური ზრდა ჩვენთვის მნიშვნელოვანი. მინდა დღესაც და მომავალშიც მეტი ყურადღება დავუთმოთ მცირე და საშუალო ბიზნესის ზრდას, რადგან დასაქმების 65% სწორედ მცირე და საშუალო ბიზნესის განვითარებაზე მოდის", - აღნიშნა მთავრობის თავმჯდომარემ.

თორნიკე რიჟვაძემ ასევე ისაუბრა ტურიზმის განსაკუთრებულ როლზე აჭარის ეკონომიკაში.

,, აჭარის ეკონომიკაში წამყვანი არის ტურიზმი და ამ მიმართულებით ჩვენ გვაქვს რეკორდული მაჩვენებლები. ტურიზმიდან მიღებული შემოსავლები დასაქმების კუთხითაც ძალიან მნიშვნელოვანია. რაც შეეხება ბოლო 5 თვის მონაცემებს, ტურიზმიდან შემოსავლები უკვე მილიარდ დოლარს აჭარბებს.

რეგიონში დაახლოებით 2-3 კვირის შიგნით ვაპირებთ, რომ 200 მილიონი დოლარის ახალი საინვესტიციო პროექტები გავხსნათ, დავათვალიეროთ და ჩვენი მიზანი არის საბოლოო ჯამში შეიქმნას 6000 სამუშაო ადგილი. ვიცი, რომ თქვენი როლი არის განსაკუთრებით დიდი. ჩვენი მთავრობა აჭარაში იქნება მაქსიმალურად ღია, კონსტრუქციული და ეფექტური. ყველა ის განკარგულება და გადაწყვეტილება იქნება მიღებული ისე, რომ ბოლომდე გამოირიცხოს კორუფციული რისკები, იყოს გამჭვირვალე ურთიერთობა და ამავე დროს, დაცული იყოს როგორც კერძო, ისე საჯარო ინტერესები'', - განაცხადა რეგიონის ხელმძღვანელმა.

შეხვედრის მონაწილეებს  რეგიონის ეკონომიკური პოტენციალის და არსებული საინვესტიციო გარემოს შესახებ პრეზენტაცია  აჭარის ფინანსთა და ეკონომიკის მინისტრმა წარუდგინა.

მომხსენებლებმა ისაუბრეს ხელვაჩაურის, გომარდულის, ციხისძირის განვითარების პერსპექტივებსა და არსებულ პოტენციალზე.

ასევე გაიმართა პრეზენტაციები: აჭარის საინვესტიციო პოტენციალის კვლევის, მიმდინარე და დაგეგმილი ინფრასტრუქტურული პროექტების, კონკრეტული ბიზნეს-ქეისების, დაფინანსების და გრანტების შეთავაზება.

შეხვედრაზე მყოფი ბიზნესმენები კონკრეტული საინვესტიციო ობიექტების შესახებ დეტალურ ინფორმაციას სპეციალური პრეზენტაციით გაეცნენ.

შეხვედრა კითხვა-პასუხის ფორმატში გაგრძელდა, რომლის დროსაც დაინტერესებულმა პირებმა მათთვის საინტერესო საკითხებზე კონკრეტული ინფორმაცია მიიღეს.

ბიზნეს სექტორის წარმომადგენლებთან შეხვედრას აჭარის უმაღლესი საბჭოს თავმჯდომარე, მთავრობის წევრები, საქართველოს ბიზნეს ომბუდსმენის წარმომადგენელი აჭარაში, EBRD-ი და სხვა საერთაშორისო ორგანიზაციები, დიპლომატიური კორპუსის წარმომადგენლები,  ,,აწარმოე საქართველოში" ხელმძღვანელი, დონორი ორგანიზაციები და ბიზნეს სექტორის წარმომადგენლები დაესწრნენ. შეხვედრას სულ 600-ზე მეტი  სტუმარი ესწრებოდა.  

 

 

(NS)




ავტორი: ექსპრესნიუსი,


სოციალური ქსელები
კომენტარები
ვიდეო/LIVE

ლგბტ მხარდამჭერების და მოწინაღმდეეგების აქცია - პირდაპირი






რა პოლიტიკის ნაწილია საპატრიარქოში სიძულვილის ქადაგება და ძალადობისკენ მოწოდება?
რუსუდან გოცირიძე - 17 მაისი ყოველ დღე მეორდება აგრესიით და სიძულვილით

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics