18:46 - 17 Jul, 2019
2019-05-15 15:49:52, 309 ნახვა
ლატვია საქართველოში ევროკავშირის სადამკვირვებლო მისიაში კონტიგენტს გაზრდის

ლატვია ევროკავშირის სადამკვირვებლო მისიაში კონტიგენტს გაზრდის, - აღნიშნული გადაწყვეტილების შესახებ ინფორმაცია დღეს ლატვიის პრეზიდენტმა რაიმონდს ვეიონისმა საქართველოს პრეზიდენტს შეხვედრისას მიაწოდა, რომელიც რიგაში ოფიციალური ვიზიტის ფარგლებში გაიმართა.

აღინიშნა, რომ ევროკავშირის სადამკვირვებლო მისია ძალიან მნიშვნელოვანი ინსტრუმენტია და საჭიროა, რომ ევროკავშირის დამკვირვებლებს გამყოფი ზოლის მიღმა მონიტორინგის შესაძლებლობა ჰქონდეთ . ლატვია დღეს ევროკავშირის სადამკვირვებლო მისიაში 7 დამკვირვებლითაა წარმოდგენილი.

მხარეებმა საქართველოს ოკუპირებული ტერიტორიების შესახებ ისაუბრეს და საქართველოს პრეზიდენტმა მადლობა გადაუხადა ლატვიას საქართველოს სუვერენიტეტის ურყევი მხარდაჭერისათვის. აღინიშნა, რომ ოკუპაცია დაუშვებელია და უნდა გაგრძელდეს მუშაობა საქართველოს დეოკუპაციისათვის. როგორც სალომე ზურაბიშვილმა შეხვედრისას განაცხადა, საქართველო პარტნიორ ქვეყნებს რუსეთთან საუბრისას საქართველოს ოკუპირებულ ტერიტორიებთან და რუსეთ -საქართველოს კონფლიქტის მშვიდობიან მოგვარებასთან დაკავშირებით საკითხის დაყენებას სთხოვს. ლატვიის პრეზიდენტთან შეხვედრისას საუბარი შეეხო ასევე, ჟენევის საერთაშორისო მოლაპარაკებების ფორმატის უფრო მაღალ, პოლიტიკურ დონეზე აყვანის საკითხს. საქართველოს ევროკავშირსა და ნატოში ინტეგრაციის მიმართულებით ხაზი გაესვა ლატვიის მნიშვნელოვან მხარდაჭერას და გამოცდილების გაზიარების თვალსაზრისით კი, მისი დახმარების საჭიროებას. სალომე ზურაბიშვილმა ხაზგასმით აღნიშნა ლატვიაში ქართველი საჯარო მოხელეების გადამზადების პროგრამის, როგორც ლატვიის მხრიდან ქმედითი დახმარების მნიშვნელობა, რადგან ლატვიამაც სწორედ ის გზა გაიარა, რასაც საქართველო ახლა გადის. შეხვედრისას ორმხრივი ურთიერთობების გაძლიერებაზე საუბრისას აღინიშნა, რომ სხვადასხვა სფეროებში თანამშრომლობის თვალსაზრისით ჯერ კიდევ ბევრია გასაკეთებელი-ეკონომიკის, ტურიზმის, განათლებისა და კულტურის მიმართულებით.




ავტორი: ბელა არუთინოვი, ექსპრესნიუსის რეპორტიორი 2012 წლიდან


სოციალური ქსელები
კომენტარები
ვიდეო/LIVE

პრემიერ-მინისტრის მამუკა ბახტაძის ბრიფინგი






ივანიშვილი ფსიქოპატია, მისი დრო წასულია - სააკაშვილმა ივანიშვილის ინტერვიუს შეაფასა
გახარიას გადადგომა სამშობლოს ღალატია, რუსული ბაზრის მოწინააღმდეგე - ქვეყნის მტერია - ივანიშვილი აქტუალურ კითხვებს პასუხობს

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics