22:16 - 24 Aug, 2019
2019-05-08 17:58:57, 592 ნახვა
აჭარის ტურიზმის დეპარტამენტის ბიუჯეტი 6,4 %-ით გაიზრდება

2020 წლისთვის, აჭარის ტურიზმის დეპარტამენტის ბიუჯეტი შესაძლოა 6,4%-ით გაიზარდოს. ბიუჯეტის პროექტის განხილვა ტურიზმის დეპარტამენტში დღეს გაიმართა.  პროექტის მიხედვით, 2020 წელს, დეპარტამენტი აჭარაში სერვისისა და ტურისტული პროდუქტების განვითარებისთვის, რეგიონის პოპულარიზაციისა და ტურისტების მოზიდვის მიზნით  ჯამში 9 486 900 ლარს დახარჯავს.

2020 წელს, აჭარის 17 სამიზნე ქვეყანაში პოპულარიზაციისთვის რეკლამის  ბიუჯეტი 8,5%-ით გაიზრდება, რაც ჯამში 6 490 400 ლარს შეადგენს. შემდეგი წლისთვის, სარეკლამო კამპანიების წარმოებისას ძირითადი აქცენტი სატელევიზიო და ონლაინ რეკლამის გაძლიერებაზე გაკეთდება.

აჭარაში სერვისისა და ტურისტული პროდუქტების განვითარებისთვის 5,8%-ით მეტი,        1 886 800 ლარი დაიხარჯება. დეპარტამენტი გააგრძელებს პროექტებს „ტურიზმის განვითარების სკოლა“ და საუკეთესი სერვისის მქონე ტურისტული ობიექტების დაჯილდოება „მაგნოლია 2020“.  აღნიშნული პროექტები აჭარაში ტურისტულ სექტორში დასაქმებული კადრების გადამზადებას, სერვისის გაუმჯობესებას, წახალისებასა და ზოგადად, ტურიზმის განვითარებას შეუწყობს ხელს.

აჭარაში ტურისტული პროდუქტების განვითარება-დივერსიფიკაციისთვის 14,8%-ით მეტი, 799 000 ლარი დაიხარჯება. მთიან აჭარაში გაგრძელდება  ეკო და სოფლად არსებული ტურისტული მარშრუტების განვითარება, ასევე ინფოტურები გიდებისა და ტურისტული სააგენტოებისთვის. ბიუჯეტის პროექტის მიხედვით, ისევ იგეგმება ზაფხულის ფესტივალები ბათუმსა და ქობულეთში, სოფლის ტურიზმისა და გადამფრენ ფრინველებზე დაკვირვების ფესტივალები, ასევე სოფლის ტურიზმის საერთაშორისო კონფერენცია. 

2020 წელს, ასევე იგეგმება კვლევებისა და სტატისტიკის წარმოება დარგის საჭიროებებისა და განვითარების პოტენციალის მიმართულებით, რაც უცხოელი ვიზიტორების კმაყოფილების დონის კვლევასა და შიდა ტურისტების საჭიროებების კვლევას ითვალისწინებს. აღნიშნული კვლევებისთვის ბიუჯეტიდან 110, 000 ლარის გამოყოფა იგეგმება.

 

 

(NS)




ავტორი: ექსპრესნიუსი,


სოციალური ქსელები
კომენტარები
ვიდეო/LIVE

პირდაპირი ეთერი რუსთაველის გამზირიდან, გადაცემა #სირცხვილია - კურიერის ყოფილი წამყვანი დიანა ჯოჯუა და P.S.-ის ყოფილი ჟურნალისტი თეა ადეიშვილი






პრეზიდენტი ამაზონის ტყის ხანძარს ოპერატიულად გამოეხმაურა
ამაზონის ჯუნგრებში ხანძარს ფერმერები, შესაძლოა, გამიზნულად აჩენენ [ვიდეო]

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics