09:26 - 19 Jun, 2019
2019-04-15 14:57:37, 629 ნახვა
„წაგვართვით მწვანე ზონები, ხართ ინვესტორის მონები“ - საპროტესტო მსვლელობა რუსთაველზე

„ახალგაზრდა მწვანეების“ და „ვინ’მე“-ს ორგანიზებით რუსთაველის მეტროდან თავისუფლესბის მოედნამდე საპროტესტო  მსვლელობა მოეწყო.

სტუდენტები და მოსწავლეები, რომლებიც პროტესტის ნიშნად სასწავლო დაწესებულებებში არ გამოცხადნენ, დედაქალაქში ტრამვაის მოწყობას, ყოფილი იპოდრომის ტერიტორიაზე ცენტრალური პარკის გაშენებას, ტროტუარების მანქანებისგან გაწმენდას, ჰესების მშენებლობის შეწყვეტას ითხოვდნენ.

აქციის ერთ-ერთმა ორგანიზატორი, ალა პარუნოვა აცხადებს, რომ ხელისუფლებისთვის გარემოს დაცვა  პრიორიტეტული არაა და მსგავსი საკითხები პოლიტიკურ დღის წესრიგში არ დგება.

„ის ყველაფერი, რაც ჩვენს მოთხოვნებში წერია,  იმ ყოველდღიური ცხოვრებიდან გამომდინარეობს, რასაც ჩვენ სულ ვეჯახებით. მაგალითად,  ყოველდღე საცობებში საათობით გვიწევს დგომა  და საზოგადოებრივი ტრანსპორტი, რომელიც არსებობს,  საერთოდ არაა ადამიანებზე მორგებული. კეთდება გზები და ამ გზებზე ჩნდება კიდევ უფრო მეტი მანქანა, საზოგადოებრივი ტრანსპორტისთვის არაფერი იცვლება. ტრამვაი არის ერთადერთი ჯანსაღი გამოსავალი, რაც ძალიან დაეხმარება თბილისის ქუჩების განტვირთვას. სწორედ ტრამვაის გაყვანაა ჩვენი ერთერთი მოთხოვნა, რაც მიემართება როგორც მერიას, ასევე მთავრობას , რადგან ამისთვის პოლიტიკური ნებაა საჭირო“, - აცხადება ალა პარუნოვა.

აქციის მონაწილეებს შემდეგი შინაარსის ტრანსფარანტები ჰქონდათ გამოტანილი: „ჩვენი ფილტვები თქვენ ნელ რეფორმებს ვერ დაუცდიან“, „შენი პოლიტიკა კიბოს მმართებს“, „ჩვენ ნაგავში ვიხრჩობით, მერია - ფულში“ „ცენტრალური პარკი - თბილისს“.

მსვლელობა თავისუფლების მოედანზე, თბილისის საკრებულოს წინ დასრულდა, სადაც აქციის მონაწილეებს სვანეთიდან ჩამოსული სტუმრები შეუერთდნენ. ისინი სვანეთში დაგეგმილი ჰესების მშენებლობას აპროტესტებდნენ.




ავტორი: ექსპრესნიუსი,


სოციალური ქსელები
კომენტარები
ვიდეო/LIVE

დავით სერგეენკომ თანამდებობა დატოვა - პრემიერ-მინისტრის ბრიფინგი






პრაიდი ჩატარდება - "თბილისი პრაიდი" განცხადებას ავრცელებს
ქუთაისში აფეთქებისას დაშავებული 10 წლის გოგონასი და 31 წლის მამაკაცის მდგომარეობა მძიმეა

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics