06:12 - 17 Jun, 2019
2019-04-04 12:14:13, 919 ნახვა
სტრასბურგის გადაწყვეტილების მოლოდინში - აფგან მუხთარლი საქართველოსა და აზერბაიჯანისგან ფინანსურ კომპენსაციას ითხოვს

თბილისიდან გატაცებული აზერბაიჯანელი ჟურნალისტის ადვოკატის არჩილ ჩოფიკაშვილის ინფორმაციით, დაცვის მხარე ადამიანის უფლებათა ევროპული სასამართლოდან გადაწყვეტილებას ელოდება.

როგორც ჩოფიკაშვილმა "ექსპრესნიუსთან" საუბარში აღნიშნა, სტრასბურგის სასამართლომ ორივე ქვეყანასთან [საქართველოსთან და აზერბაიჯანთან] მუხთარლის საქმეზე კომუნიკაც უკვე დაასრულა. 

"კომუნიკაცია ქვეყნებთან დასრულდა. ახლა ველოდებით ევროპული სასამართლოდან, რომ დაადგინონ რა მუხლები დაირღვა აფგან მუხთარლის წინააღმდეგ. ჩვენი მოთხოვნაა, სტრასბურგმა დაადგინოს, რომ საქართველომ და აზერბაიჯანმა დაარღვიეს აფგან მუხთარლის ევროკონვენციით გარანტირებული უფლებები სამართლიან სასამართლოზე, უფლება წამების აკრძალვაზე, ასევე მისი თავისუფლების უკანონოდ აღკვეთას ჰქონდა ადგილი, ესეც უნდა დაადგინოს სასამართლომ. ასევე ჟურნნალისტურ საქმიანობაში და პირად ცხოვრებაში ჩარევას ჰქონდა ადგილი არამართლზომიერად სახელმწიფოს მხრიდან. სასამართლომ უნდა დააგინოს ასეთი უფლებების დარღვევის ფაქტი. გარდა ამისა, ჩვენ შესაბამის ფინანსური კომპენსაციასაც ვითხოვთ. დაველოდოთ შედეგებს", - განაცხადა არჩილ ჩოფიკაშვილმა.

შეგახსენებთ, რომ აზერბაიჯანელი ჟურნალისტი აფგან მუხთარლი თბილისიდან 2017 წლის 29 მაისს გაიტაცეს. მოგვიანებით ის აზერბაიჯანის საზღვარზე "დააკავეს". მას ბრალი 3 მუხლით წარუდგინეს: საზღვრის უკანონო გადაკვეთა, სამართალდამცველებისთვის წინააღმდეგობის გაწევა და კონტრაბანდა. ამასთან, გამოძიების ცნობით, მას ჯიბეში არადეკლარირებული 10 ათასი ევრო აღმოუჩინეს. აფგან მუხთარლის 12 იანვარს სასამართლომ 6 წლით თავისუფლების აღკვეთა მიუსაჯა.

მუხთარლის საქმეზე საქართველოს შსს-მ გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს.

ცნობისთვის, აფგან მუხთარლი აზერბაიჯანიდან დევნილი საგამოძიებო ჟურნალისტი და აქტივისტია, რომელიც ღიად გამოხატავდა აზერბაიჯანელი მთავრობის წინააღმდეგ მოსაზრებებს. 2015 წლის ინავრიდან ის საქართველოში ცხოვრობს, მის მეუღლესა და ქალიშვილთან ერთად, აფგანი თავისუფალ ჟურნალისტად მუშაობს.




ავტორი: ბელა არუთინოვი, ექსპრესნიუსის რეპორტიორი 2012 წლიდან


სოციალური ქსელები
კომენტარები
ვიდეო/LIVE

ლგბტ მხარდამჭერების და მოწინაღმდეეგების აქცია - პირდაპირი






ილია მეორეს აზრით ქართველ ადამიანს არ ჭირდება სიმდიდრე მას ღმერთის მადლი უნდა
„ყაზტრანსგაზი“ ჩიტის ბუდეებიდან გამომდინარე საშიშროებასთან დაკავშირებით მოსახლეობას აფრთხილებს

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics