11:04 - 24 Aug, 2019
2019-03-26 11:13:53, 1622 ნახვა
"ქართველი გმირები" - რუსული პრესა ჯანოს ინციდენტს ეხმაურება და კანკავას იხსენებს

რუსული გამოცემა "Sports.ru" საქართველო - შვეიცარიის შეხვედრაში მომხდარ ინციდენტს ეხმაურება, როდესაც ჯანო ანანიძემ ფაბიან შერი სიკვდილს გადაარჩინა. გთავაზობთ სტატიის თარგმანს.

შაბათს საქართველოს ნაკრები შვეიცარიას ეთამაშებოდა. მატჩი შესაძლოა პირველივე ტაიმში შეწყვეტილიყო. 25-ე წუთზე სტუმართა მცველი ფაბიან შერი ჯემალ ტაბიძეს შეეჯახა, შემდეგ მინდორზე დაეცა და გონება დაკარგა.
შვეიცარელი ენას ყლაპავდა და რომ არა ჯანო ანანიძე, გულშემატკივრები საზარელ ეპიზოდს იხილავდნენ. ქართველი ოპერატიულად დაეხმარა მოწინააღმდეგეს. ანანიძემ შერს პირი გაუხსნა, რითაც სასუნთქი გზები გაუნთავისუფლა. მოგვიანებით ფაბიანს ექიმებმაც უშველეს.

თვალების გახელის შემდეგ, "მესაათეების" მცველმა განაცხადა, რომ მას არაფერი ახსოვდა. შერმა ტვინის შერყევა მიიღო, მაგრამ შეხვედრის ჩამთავრება მან მოახერხა. "ჯანოს მადლობა უკვე გადავუხადეთ, მან ყველაფერი სწორად გააკეთა. ანანიძე რომ არა, შერი გაიგუდებოდა."

შვეიცარიის ნაკრების ნებისმიერი ფეხბურთელი ქართველი მეტოქისთვის იგივეს გააკეთებდა. განმეორებითი მატჩისას, ქართველებს კიდევ ერთხელ მოვუხდით მადლობას." - განაცხადეს "წითლების" წარმომადგენლებმა.
აღსანიშნავია, რომ ჯანო არ არის ერთადერთი ქართველი ფეხბურთელი, რომელმაც მეტოქეს მოედანზე პირველადი დახმარება აღმოუჩინა. ჯაბა კანკავამ 2014 წელს "დნეპრი" - "დინამოს" მატჩზე ოლეგ გუსევი გადაარჩინა.

უკრაინელი მოთამაშე შერის მსგავსად, შეჯახების შედეგად მოედანზე უგონოდ დაეცა და რომ არა "ჯვაროსნების" კაპიტანი - ეპიზოდი ფატალურად დასრულდებოდა. გუსევის მოსულიერება ექიმებმა შეძლეს, რის შემდეგაც უკრაინულმა კლუბმა და უშუალოდ ოლეგმა სამადლობელი სიტყვები კანკავას მიმართ არ დაიშურეს.
 




ავტორი: გიორგი ბერაია, სპორტის მიმიმხილველი


სოციალური ქსელები
კომენტარები
ვიდეო/LIVE

პირდაპირი ეთერი რუსთაველის გამზირიდან, გადაცემა #სირცხვილია - კურიერის ყოფილი წამყვანი დიანა ჯოჯუა და P.S.-ის ყოფილი ჟურნალისტი თეა ადეიშვილი






პრეზიდენტი ამაზონის ტყის ხანძარს ოპერატიულად გამოეხმაურა
ამაზონის ჯუნგრებში ხანძარს ფერმერები, შესაძლოა, გამიზნულად აჩენენ [ვიდეო]

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics