სერვერებზე მიმდინარე ტექნიკური სამუშაოების გამო, დღეს საღამოს 6 საათამდე, ვებ-გვერდი იმუშავებს შეფერხებით. ბოდიშს გიხდით შეფერხებისათვის. "ექსპრესნიუსის ტექნიკური ჯგუფი"
00:20 - 25 May, 2019
2019-05-08 10:44:27, 298 ნახვა
გიორგი შენგელია: ბაღის აღმზრდელების ხელფასი 20%-მდე გაიზრდება

„მუნიციპალიტეტის მასშტაბით შენდება 7 ბაღი და სრულად რეაბილიტირდება 5 სკოლა, ახალ სკოლას კი ვაშენებთ სოფელ დარჩელში“, - ამის შესახებ განცხადება „ქართული ოცნება - დემოკრატიული საქართველოს“ ზუგდიდის მერობის კანდიდატმა, გიორგი შენგელიამ მოსწავლე ახალგაზრდობის სასახლეში ზუგდიდის ბაღების აღმზრდელებსა და სკოლის პედაგოგებთან შეხვედრისას გააკეთა.

მერობის კანდიდატის განმარტებით, ახალი ბაღების მშენებლობასთან ერად რეაბილიტირდება 10-ზე მეტი საბავშვო ბაღი. რაც შეეხება, ზუგდიდში არსებულ სკოლებს, წელს სრული რეაბილიტაცია უტარდება 5 სკოლას, ერთი კი შენდება. გარდა ამისა, სახელმწიფო ბიუჯეტიდან 1 500 000 ლარია გამოყოფილი და მოხდება სხვადასხვა სკოლების ნაწილობრივი რეაბილიტაციაც.

„წინასაარჩევნო კამპანიის ფარგლებში, შევხვდით სკოლამდელი დაწესებულების აღმზრდელებსა და სკოლის პედაგოგებს. მათთან ერთად ის პრიორიტეტები და გეგმები განვიხილეთ, რომლის განხორციელებაც ჩემი მერად არჩევის შემდეგ ჩემი და ჩემი გუნდის მთავარი ამოცანა იქნება. მე ვაცნობე მათ იმის შესახებ, რომ სკოლამდელი დაწესებულების აღმზრდელების ხელფასები 20%-მდე გაიზრდება, რაც ამ ეტაპისთვის ძალიან მნიშვნელოვანია. ეს პროცესები შემდგომშიც გაგრძელდება და შეუქცევადი იქნება მანამ, სანამ თითოეული პედაგოგის მოთხოვნილებები და ის შრომა საბოლოოდ არ იქნება დაფასებული. ასევე, მნიშვნელოვანია ის პროექტები, რომლებიც ხორციელდება ამ სფეროში ინფრასტრუქტურული კუთხით, ვგულისხმობ, ბაღებისა და სასკოლო ინფრასტრუქტურის მშენებლობა-რეაბილიტაციას“, - განაცხადა გიორგი შენგელიამ.

შეხვედრას ვიცე-პრემიერი მაია ცქიტიშვილი და სამეგრელო-ზემო სვანეთის სახელმწიფო რწმუნებული ალექსანდრე მოწერელია ესწრებოდნენ, რომლებმაც საზოგადოებას გიორგი შენგელიას მხარდაჭერისკენ მოუწოდეს.

 

 

(NS)




ავტორი: ექსპრესნიუსი,


სოციალური ქსელები
კომენტარები
ვიდეო/LIVE

პრემიერ-მინისტრის მამუკა ბახტაძის ბრიფინგი






ეკა ბესელია საკუთარ პარტიას აფუძნებს
სექსუალურ შევიწროებაში დადანაშაულებული ლექტორი: ტელეფონი გამიტეხეს

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics