17:32 - 27 May, 2019
2019-05-02 16:41:31, 456 ნახვა
გახარია ვიზალიბერალიზაციაზე: ყველაფერს ვაკეთებთ, რომ ქვეყანა შეჩერების მექანიზმის რისკის წინაშე არ დადგეს

შინაგან საქმეთა მინისტრის გიორგი გახარიას განცხადებით, მთავრობის და მისი უწყების ძირითადი ამოცანაა ვიზალიბერალიზაციის საკითხში თავშესაფრის მაძიებლებისა და ორგანიზებულ დანაშაულს შორის სტრუქტურირებული კავშირი არ მოხდეს. 

როგორც გახარიამ პარლამენტში განაცხადა, გარკვეულ ქვეყნებში თავშესაფრის მაძიებელთა რიცხვი გაზრდილია, თუმცა ზოგ ქვეყანაში პოზიტიური დინამიკა ფიქსირდება. 

"ვიზალიბერალიზაციის საკითხში ჩვენი ძირითადი ამოცანა გახლავთ, რომ არ მოხდეს თავშესაფრის მაძიებლების და ორგანიზებულ დანაშაულს შორის სტრუქტურირებული კავშირი, რასაც ვებრძვით ჩვენც საერთაშორისო პარტნიორებთან ერთად და იმ ატაშეების ქსელით რომელიც გვაქვს. რეალურად თავშესაფრის მაძიებელთა ნაწილში ევროპის რამდენიმე ქვეყანაში მართლა გვაქვს დამძიმებული მონაცემები. პირველ რიგში ეს გახლავთ საფრანგეთი, თუმცა ბევრ სხვა ქვეყანაში გვაქვს ძალიან კარგი დინამიკა. ყველაფერს ვაკეთებთ, რომ ქვეყანა შეჩერების მექანიზმის რისკის წინაშე არ დადგეს. აქვე მინდა აღვნიშნო, რომ გარკვეულ წილად პარლამენტის ჩართულობას აქვს დიდი მნიშვნელობა, იმიტომ რომ არის რამდენიმე საკანონმდებლო ინიციატივა, რომელიც პარლამენტშია და შეიძლება დადგეს მომენტი, როდესაც ჩვენ მოგვიწიოს ჩვენი საერტაშორისო პარტნიორების შეშფოთებებს ვუპასუხოთ კონკრეტული ნაბიჯებით. შეიძლება ზოგ შემთხვევაში ეს იყოს მძიმე და არა სასურველი ნაბიჯები, რომლის გადადგმა არ გვინდოდეს, თუმცა მოგვიწიოს, იმისათვის რომ დიდი სიკეთე ამ ქვეყნისთვის შევინარჩუნოთ. რას ნიშნავს საქართველოსთვის და საქართველოს მოქალაქისთვის უვიზო რეჟიმი დარწმუნებული ვარ, რომ ამის ახსნა არ მჭირდება", - განაცხადა გიორგი გახარიამ. 

 




ავტორი: ბელა არუთინოვი, ექსპრესნიუსის რეპორტიორი 2012 წლიდან


სოციალური ქსელები
კომენტარები
ვიდეო/LIVE

დამოუკიდებლობის დღე - პიდაპირი ეთერი






ზესტაფონში, უბედური შემთხვევის შედეგად, „საქართველოს რკინიგზის“ 2 თანამშრომელი დაშავდა
პატრიარქი - მრავალი ქართველი ციხეში იმყოფება ქურდობისათვის, სავიზო რეჟიმი გაიოლდება, თუ ისინი კარგად მოიქცევიან

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics