12:59 - 22 May, 2019
2019-03-15 15:10:45, 517 ნახვა
ბესელია - იურიდიულმა კომიტეტმა კეთილი ინებოს, სხდომა სამუშაო დღეს დანიშნოს და ვენეციის კომისიას დაელოდოს

იურიდიულ საკითხთა კომიტეტმა კეთილი ინებოს, სხდომა სამუშაო დღეს დანიშნოს და ვენეციის კომისიას დაელოდოს, - ამის შესახებ პარლამენტის წევრმა, ეკა ბესელიამ განაცხადა.

დეპუტატმა საპროცედურო საკითხთა და წესების კომიტეტზე ის გარემოება გააპროტესტა, რომ საერთო სასამართლოების შესახებ კანონში დაგეგმილ ცვლილებებთან დაკავშირებით, წამყვანი კომიტეტის სხდომა ხვალ, არასამუშაო დღეს გაიმართება.

„მიუხედავად იმისა, რომ საპროცედურო საკითხთა კომიტეტი არ არის წამყვანი, სავალდებულო კომიტეტია, მაგრამ სავალდებულო კომიტეტებისთვისაც გავზარდეთ ჩვენ ვადები, ერთ-ერთი ბოლო ცვლილება იყო, რომელიც ერთად მოვამზადეთ, რადგან ისეთი საკითხები, რომელსაც ცოტა მეტი სერიოზულობა ჭირდება, არ იხილებოდეს შემოსვლიდან სამ დღეში. ეს კანონპროექტი, ისევე როგორც კობახიძის კაბინეტის ავტორობით მომზადებული კანონპროექტი, ერთ დროულად დარეგისტრირდა ორშაბათს. გასულია სამი დღე და არ ვიცი ეს მოკლე დროში მზად ვართ რომ განვიხილოთ და გადაწყვეტილება მივიღოთ? მგონი ჯობდა მეტი დრო დაგვეთმო ამისთვის, მიუხედავად იმისა, რომ წამყვანი კომიტეტი არ არის, თუმცა წამყვანმა კომიტეტმაც ხვალ ჩანიშნა ამის განხილვა, შაბათს, არასამუშაო დღეს. ასეთი პრაქტიკა მე არ მახსენდება, რომ შაბათს ჩაგვეტარებინოს სხდომები. ცუდად ჩანს ეს ყველაფერი განსაკუთრებით ამ საკითხის მიმართ, რომელმაც ბოლო ორ თვეში ბევრი რამ შეცვალა ქვეყანაში და მნიშვნელოვანი ვნებათაღელვა გამოიწვია. ნუ გავაუბრალოებთ და გავამარტივებთ იმას, რაც ხდება. ძალიან მნიშვნელოვანი პროცესები გამოიწვია ასეთმა დამოკიდებულებამ. იურიდიულმა კომიტეტმა კეთილი ინებოს და დანიშნოს სხდომა სამუშაო სამუშაო დღეს, ასევე დაელოდოს ვენეციის კომისიის მოსაზრებებსაც. ჩვენც ვაგზავნით ვენეციის კომისიაში ჩვენს პროექტს ორშაბათს“, - აღნიშნა ბესელიამ.




ავტორი: ,


სოციალური ქსელები
კომენტარები
ვიდეო/LIVE

მზის პანელების ქარხნის გახსნა ქუთაისში






კასპში, არასრულწლოვანმა დედამ 7 თვის შვილი ლოგინში გაგუდა
პირი, რომელმაც ცოლი და ორი მცირეწლოვანი შვილი სახლში ჩაკეტა, დააკავეს

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics