სერვერებზე მიმდინარე ტექნიკური სამუშაოების გამო, დღეს საღამოს 6 საათამდე, ვებ-გვერდი იმუშავებს შეფერხებით. ბოდიშს გიხდით შეფერხებისათვის. "ექსპრესნიუსის ტექნიკური ჯგუფი"
15:55 - 24 May, 2019
2019-03-12 13:29:05, 1576 ნახვა
„მე დანიელ ორტეგა მაუპატიურებდა“ - ნიკარაგუას პრეზიდენტის გერის ისტორია

ნიკარაგაუას პრეზიდენტის გერი ქალიშვილი ნარვეს მურილიო დანიელ ორტეგას მიერ განხორციელებულ სექსუალურ ძალადობაზე 21 წლის შემდეგ ისევ ალაპარაკდა. ქალთან ინტერვიუ ბრიტანულმა საზოგადოებრივმა მაუწყებელმა [BBC] ჩაწერა.

როგორც მურილიო BBC-სთან ინტერვიუში იხსენებს, ორტეგამ მასზე პირველად 1977 წელს იძალადა, მაშინ ის 9 წლის იყო.

მან ორტეგა სექსუალურ ძალადობაში პირველად 1998 წლის მარტში დაადანაშაულა, როცა მედიასთან საჯარო განცხადება გააკეთა. ქალისთვის დიდი დარტყმა აღმოჩნდა, რომ დედამ ტყუილში დაადანაშაულა და როგორც თვითონ ამბობს "მოძალადის მზარეს დადგა".

"12 წლის განმავლობაში სექსუალური ძალადობის მსხვერპლი ვიყავი. ერთადერთი რაც მინდოდა, რომ ეს ყველაფერი ერთხელ და სამუდამოდ დასრულებულიყო. ორტეგამ ჩემზე პირველად 1977 იძალადა, მაშინ 10 წლისაც არ ვიყავი. იმ პერიოდში დანიელ ორტეგა იყო სანდინიტური, რევოლუციური მოძრაობის ერთ-ერთი ლიდერი. ეს პარტიზანული მოძრაობა ნიკარაგუაში დიქტატურის წინააღმდეგ იბრძოდა. ყველაფერი იმით დაიწყო, რომ ხელს მკიდებდა, არღვევდა ჩემს პირად სივრცეს, მაშინ როცა მე ჯერ კიდევ პატარა ვიყავი. იმისათვის, რომ როგორმე თავი დამეცვა, ვცდილობდი ღამე ლოგინში არ მემოძრავა, თითქოს მეძინა. მალევე მივხვდი, რომ მას ვერ შევაჩერებდი. 1979 წელს დიქტარორი სომოსა სანდინიტურმა ფრონტმა ჩამოაგდო თანამდებობიდან. დანიელ ორტეგა მთავრობის ხელმძღვანელი გახდა. სექსუალურ ძალადობას ყოველთვის თან ახლავდა ფსიქოლოგიური ზეწოლაც. როცა მაუპატიურებდა, მეუბნებოდა, რომ "ამისთვის" უკვე მზად ვიყავი, რადგან ჩემი სხეული ჩამოყალიბებული იყო. მაიძულებდა დამეჯერა, რომ ყველაფერი რაც ხდება - "ჩემი ბრალია", ამიტომ დედაჩემს ვერაფერს ვეუბნებოდი. ერთხელ გავიგე, როგორ ეჩხუბებოდა დედაჩემი ორტეგას იმ ყველაფრის გამო რაც ხდებოდა. გამოდის, რომ ყველაფერი იცოდა, თუმცა არ იცოდა, როგორ შეეჩერა მოძალადა. 1998 წელს საჯაროდ განვაცხადე სექსუალური ძალადობის შესახებ, თუმცა დანიელ ორტეგამ და დედაჩემმა ბრალდებები უარყეს", - იხსენებს მურილიო.

მაშინ ორტეგამ განაცხადა, რომ თავისი პოლიტიკური კარიერის გამო უამრავი ბრალდების და მანიპულაციის მსხვერლი გამხდარა.

"ეს კიდევ ერთი შეთქმულებაა ჩემს წინააღმდეგ", - განაცხადა ნიკარაგუას პრეზიდენტმა 1998 წელს ჟურნაისტებთან საუბარში.  

მურილიო იხსენებს, რომ სასამართლომ საქმე ხანდაზმულობის გამო არ განიხილა.

"მას შემდეგ ამბობდნენ, რომ გავგიჟდი, ამბობდნენ, რომ ვიტყუები, რომ ნიმფომანი ვარ, ვარ პოლიტიკური შეთქმულების მონაწილე, ვარ ცენტრალური სადაზვერვო სამსახურის აგენტი. მათ იმაშიც კი, დამადანაშაულეს, რომ საკუთარ შვილებს ვერ ვუვლიდი. დანიელ ორტეგა სასამართლოს წინაშე მხოლოდ 3 წლის შემდეგ, 2001 წელს წარსდგა. ის სასამართლო სისტემაზე სრულ კონტროლს გრძნობდა. სასამართლომ საქმე წარმოებაში არ მიიღო, ფაქტის განდაზმულობის გამო. თუმცა ეს იმას არ ნიშნავს, რომ ორტეგა უდანაშაულო იყო. ჩემთვის ის მუდამ იქნება მოძალადე, ხოლო დედაჩემი მისი თანამზრახველი ქალი", - ჰყვება ნარვეს მურილიო.








ავტორი: ,


სოციალური ქსელები
კომენტარები
ვიდეო/LIVE

პრემიერ-მინისტრის მამუკა ბახტაძის ბრიფინგი






ეკა ბესელია საკუთარ პარტიას აფუძნებს
სექსუალურ შევიწროებაში დადანაშაულებული ლექტორი: ტელეფონი გამიტეხეს

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics