02:57 - 24 Mar, 2019
2019-02-28 11:27:26, 865 ნახვა
დონალდ ტრამპი და კიმ ჩენ ინი კორეის ნახევარკუნძულის ბირთვულ განიარაღებაზე ვერ შეთანხმდნენ

ვიეტნამის დედაქალაქ ჰანოიში, ამერიკის შეერთებული შტატების პრეზიდენტის დონალდ ტრამპის და ჩრდილოეთ კორეის ლიდერის, კიმ ჩენ ინის სამიტის ფარგლებში განსახილველ მთავარ საკითხზე შეთანხმება ვერ შედგა, - ამის შესახებ BBC "თეთრ სახლზე" დაყრდნობით იუწყება.

მედია საშუალების ინფორმაციით, ლიდერები კორეის ნახევარკუნძულის ბირთვულ განიარაღებაზე მსჯელობდნენ, თუმცა შეთანხმებას ვერ მიაღწიეს.

თეთრი სახლის პრესმდივნის სარა სანდერსის განცხადებით, "ამ ეტაპზე შეთანხმება ვერ შედგა, თუმცა მხარეები მზად არიან მომავალშიც შეხვდნენ ერთმანეთს". 

როგორც დონალდ ტრამპმა აღნიშნა, კიმ ჩენ ინი მზად იყო შეთანხმებისთვის, მხოლოდ იმ შემთხვევაში თუ მას სანქციები მოეხსნებოდა.

"ამის გაკეთების სურვილი არ მქონდა", - დასძინა აშშ-ის პრეზიდენტმა.  

მედიის ცნობით, ტრამპმა და კიმ ჩენ ინმა სასტუმრო, სადაც შეხვედრა მიმდინარეობდა უკვე დატოვეს. აღსანიშნავია, რომ მოლაპარაკებები დროზე ადრე დასრულდა. 




ავტორი: ,


სოციალური ქსელები
კომენტარები
ვიდეო/LIVE

პრემიერ მინისტრის ანგარიში პარლამენტში და დებატები ExpressLive






საქართველოს საელჩო საფრანგეთში მყოფ საქართველოს მოქალაქეებს მიმართავს
ყაზახეთის დედაქალაქს სახელი შეეცვალა

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics