საპარლამენტო უმრავლესობის წევრი ნუკრი ქანთარია "ოქროს ატესტატის" შემოღების ინიციატივით გამოდის. 

როგორც ქანთარია პარლამენტში, პლენარულ სხდომაზე სიტყვით გამოსვლისას განმარტა, ასეთი ატესტატი სკოლის მოსწავლეებს მოტივაციას გაუზრდის. 

„ბავშვებს სჭირდებათ მოტივაცია. იქნებ ოქროს ატესტატზე ვიფიქროთ. ეს იქნება სწავლების მთელი პროცესი, რომ ბავშვმა ოლიმპიადაშიც მიიღო მონაწილეობა, ყველგან თავი გამოიჩინა და მას ოქროს ატესტატით საშუალება ექნება ნებისმიერ უმაღლეს სასწავლებელში უფასოდ გააგრძელოს სწავლა,“ - განაცხადა ნუკრი ქანთარიამ.