04:26 - 22 Mar, 2019
2019-01-08 15:24:30, 786 ნახვა
ნაცვლიშვილი: თუ „ოცნება“ უზენაესი სასამართლოს მოსამართლეობის კანდიდატების ამ სიას მხარს დაუჭერს, უმრავლესობას დავტოვებ

„ქართული ოცნების“ წევრი, ბექა ნაცვლიშვილი საპარლამენტო უმრავლესობის დატოვებას არ გამორიცხავს.

როგორც ნაცვლიშვილმა აღნიშნა, თუ მისი თანაგუნდელები უზენაესი სასამართლოს მოსამართლეობის კანდიდატების წარდგენილ სიას მხარს დაუჭერენ, ის საპარლამენტო უმრავლესობას დატოვებს.

ნაცვლიშვილი ყველა დეპუტატს აღნიშნულ საკითხთან დაკავშირებით საკუთარი აზრის დაფიქსირებისკენ მოუწოდებს.

„თუ ეს დაპირისპირება ასე გაგრძელდება, იმიტომ, რომ აქ ლაპარაკია, ვიღაცის გარიცხვაზე, მაგალითად, გედი ფოფხაძე იყო ამ შემთხვევაში გამოწვეული იურიდიული კომიტეტიდან. ეს არის ჩვეულებრივი პროცესი. ამ შემთხვევაში რა სიმწვავეც და ხასიათიც ექნება ამ პროცესს, ყველა ინდივიდუალურად მიიღებს გადაწყვეტილებას. თუ მოსამართლეების საკითხი ისევ იდგება დღის წესრიგში და თუ ამ მიმართულებით არაფერი არ შეიცვლება და განსაკუთრებით, ვთქვათ, ისევ თუ ამ ტიპის სია შემოვა, რა ტიპის სიაც იყო შემოსული და უმრავლესობა მხარს დაუჭერს, მე პირდაპირ აქვე ვაცხადებ, რომ მე უმრავლესობას დავტოვებ“, - განაცხადა ბექა ნაცვლიშვილმა.




ავტორი: ,


სოციალური ქსელები
კომენტარები
ვიდეო/LIVE

პარლამენტში ანაკლიის პორტის საკითხი განიხილება - ExpressLive






ოზურგეთში საპატრულო პოლიციის ეკიპაჟს ცეცხლი გაუხსნეს - დაწყებულია გამოძიება
„ევროპული საქართველო“ და „თავისუფალი დემოკრატები“ საარჩევნო ბლოკში გაერთიანდნენ

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics