08:00 - 18 Jan, 2019
2019-01-03 14:23:45, 425 ნახვა
ფოფხაძე: არ მომწონს წესი, რომ ჩვენ ყველაფერს ვილაპარაკებთ და შენ ხმა არ ამოიღოო

მოსამართლეების თემა ჩემთვის პრინციპული და წყალგამყოფია, - ამის შესახებ საპარლამენტო უმრავლესობის წევრმა გედევან ფოფხაძემ „ქართული ოცნების“ ოფისის დატოვების შემდეგ განაცხადა.

როგორც ფოფხაძემ აღნიშნა, ყველა თავის პოზიციას პირადად გაასაჯაროებს. 

"ხაზგასმით მინდა ვთქვა, რომ საკითხი არის არა იმის თაობაზე რომ ვინ სად იქნება, პირველი მოადგილე ან თავჯდომარე, არამედ ის თუ როგორ ჩაატარებს პარლამენტი უზენაესი სასამართლოს მოსამართლეების შერჩევის პროცესს. თორე გედი ფოფხაძე თუ საერთოდ არ იქნება საქართველოს პარლამენტის წევრი, პარლამენტი არ დაზარალდება და არც გედი ფოფხაძეს არაფერი არ მოუვა. ფრაქციის გადაწყვეტილებაზე ჩემი პოზიცია არის უარყოფითი. მე ჩემს პოზიციას აუცილებლად დაფიქსირებ ყველა საკითხთან დაკავშირებით. იმედი მაქვს, რომ ყველაფერი, რაც სათქმელია, ბოლომდე ითქმევა. იმიტომ, რომ არ მომწონს ეს წესი, ჩვენ ყველაფერს ვილაპარაკებთ და შენ ხმა არ უნდა ამოიღო. მიზეზებზე ოფიციალურად ისაუბროს ფრაქციამ, რომელმაც მიიღო გადაწყვეტილება. საერთოდ ვერ ვხვდები, რატომ იყო საჭირო საახალწლოდ ეს გარემო შეგვექმნა ხალხისთვის და ერთმანეთისთვის. 28-დან დაგვეწყო მოსამართლეების თემის განხილვა. მერე ასე დაგვეძაბა ერთმანეთთან ურთიერთობა. ის რომ მოსამართლეების თემა ჩემთვის პრინციპულია და წყალგამყოფია ამას მე არ ვმალავ. იმიტომ, რომ ეს არის სტრატეგიულად მნიშვნელოვანი თემა. ეს არ არის ნინია კაკაბაძის თემა და აქედან გამომდინარე, მგონია, რომ ამ თემასთან დაკავშირებით უნდა ვიყოთ მზად საჯარო დისკუსიებისთვისაც და საუბარი იმაზე, რომ გუნდურობის მხოლოდ ისაა, რომ ყველა არგუმენტი მხოლოდ გუნდის შიგნით უნდა ითქვას და გუნდის გარეთ არ უნდა ვისაუბროთ ეს არ არის სწორი. იმიტომ რომ მე ახლა ვერ გეტყვით თქვენ, რომ ნიჩურიტს ავიღებ, წავალ გავარკვევ შეიძლება თუ არა ეს არგუმენტები თქვენთან ვთქვა და მერე გითხრათ, პოლიტიკურ პროცესს ეს ხელს უშლის. ყველა თავის პოზიციის თაობაზე თვითონ იტყვის", - აღნიშნა ფოფხაძემ.

 



სოციალური ქსელები
კომენტარები



კორპუსი, რომელიც აფეთქება მოხდა, ექსპლუატაციაში შესული არ იყო
ამირან გამყრელიძე - ქვეყანაში წითელას ეპიდაფეთქებაა

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics