00:22 - 26 Mar, 2019
2018-12-31 13:52:51, 597 ნახვა
დიმიტრი გვრიტიშვილი: არ დავუშვებთ, რომ ვინმე სასამართლო ხელისუფლების საქმეებში ჩაერიოს

„მზად ვართ, საზოგადოების წინაშე წარვსდგეთ, ყველა კითხვას გავცეთ პასუხი, მაგრამ არ დავუშვებთ, რომ ვინმე სასამართლო ხელისუფლების საქმეებში ჩაერიოს“, - ამის შესახებ იუსტიციის უმაღლესი საბჭოს წევრმა დიმიტრი გვრიტიშვილმა ჟურნალისტებს განუცხადა.

გვრიტიშვილი „ქართული ოცნების" წევრების განცხადებებს გამოეხმაურა, რომელიც მოსამართლეთა სიას ეხებოდა.

„დეპუტატი ლევან გოგიჩაიშვილი უკვე აშკარა მუქარაზეა გადასული და ეს სხვა არაფერია თუ არა სასამართლო ხელისუფლების დასჯის მცდელობა, იმისთვის, რომ ჩვენ ვიმოქმედეთ კონსტიტუციით და კანონით მინიჭებული მანდატის ფარგლებში. ასევე აბსოლუტურად დაუშვებელია ეკა ბესელიას განცხადება იმის შესახებ, რომ თურმე არიან სააკაშვილის ძალადობრივი რეჟიმის მსახური მოსამართლეები. გაურკვეველია ვის გულისხმობს სააკაშვილის პერიოდში მომსახურე მოსამართლეებში, ეს ყველაზე თუ არის გავრცელებული, აშკარად დისკრიმინაციული და უსაფუძვლო განცხადებაა, რომ მათ შესაძლებლობა არ უნდა მიეცეთ დაწინაურდნენ უზენაეს სასამართლოში. მინდა ყველას შევახსენო, მათ შორის დეპუტატებსაც, საერთაშორისო სტანდარტები, რომელიც მოსამართლეთა დანიშვნასა და კარიერის მართვაზე არსებობს, მხოლოდ ობიექტურ გაზომვად კრიტერიუმებს ეფუძნება, როგორიც არის დამსახურება. „სააკაშვილის დროს მსახურება“ არ არის ობიექტური კრიტერიუმი და აშკარად დისკრიმინაციული მიდგომაა. ეს არის სასამართლო ხელისუფლებაში ჩარევის მცდელობა, რასაც საბჭოს წევრები არ დავუშვებთ. არავის გვეშინია, მზად ვართ, საზოგადოების წინაშე წარვსდგეთ, ყველა კითხვას გავცეთ პასუხი, მაგრამ არ დავუშვებთ მცდელობას, რომ ვინმე სასამართლო ხელისუფლების საქმეებში ჩაერიოს, მითუმეტეს, რაღაც დასჯის მცდელობა განახორციელოს“, - განაცხადა დიმიტრი გვრიტიშვილმა.




ავტორი: ,


სოციალური ქსელები
კომენტარები
ვიდეო/LIVE

იენს სტოლტენბერგისა და მამუკა ბახტაძის ერთობლივი პრესკონფერენცია






რა ხელფასი ექნებათ საპენსიო სააგენტოს საინვესტიციო საბჭოს წევრებს - ვაკანსია
თბილისში კიდევ 16 „ჭკვიანი“ ვიდეოკამერა დაემატა, რომელიც სექციებს შორის ავტომობილის სიჩქარეს აკონტროლებს

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics