20:05 - 18 Jan, 2019
2018-12-20 17:55:00, 785 ნახვა
ეკონომიკის სამინისტროში კერძო სექტორის განვითარების ხელშეწყობის საკონსულტაციო საბჭოს შეხვედრა გაიმართა

საქართველოს ეკონომიკისა და მდგრადი განვითარების სამინისტროს ორგანიზებით დღეს კერძო სექტორის განვითარების ხელშეწყობის საკონსულტაციო საბჭოს მორიგი შეხვედრა გაიმართა.

 საკონსულტაციო საბჭოს ხელმძღვანელობდა საბჭოს თავმჯდომარე, ეკონომიკისა და მდგრადი განვითარების მინისტრის მოადგილე ეკატერინე მიქაბაძე.

შეხვედრაზე წარმოდგენილი იყო პრეზენტაციები პროფესიული განათლების სფეროში მიმდინარე რეფორმასთან, მათ შორის ,,პროფესიული განათლების შესახებ" სექტემბერში დამტკიცებულ კანონთან დაკავშირებით და პროფესიული განათლების დუალური საკონსულტაციო საბჭოს თაობაზე. შეხვედრაზე, ასევე გაიმართა პრეზენტაცია ქალთა მეწარმეობის ხელშემწყობი ქვესაბჭოს ფარგლებში განხორციელებული საქმიანობის შესახებ. ამასთან, კერძო სექტორის განვითარების ხელშეწყობის საკონსულტაციო საბჭოს შეხვედრის ფარგლებში, გაიმართა დისკუსია თემაზე ,,კერძო სექტორის განვითარების შემაფერხებელი ფაქტორები".

დისკუსიის საბჭოს წევრებმა სხდომის ფარგლებში რამდენიმე აქტუალურ საკითხზე იმსჯელეს.

კერძო სექტორის განვითარების ხელშეწყობის საკონსულტაციო საბჭო 2016 წლიდან ფუნქციონირებს, მიზანია  კერძო სექტორის, მათ შორის, მცირე და საშუალო მეწარმეობის საკითხებთან დაკავშირებით სახელმწიფო და კერძო სექტორის წარმომადგენლებს შორის თანამშრომლობის გაღრმავება. საბჭოს ძირითადი ფუნქციებია: კერძო სექტორთან კონსტრუქციული დიალოგის წარმოების ხელშეწყობა; კერძო სექტორის განვითარების შემაფერხებელი (არსებობის შემთხვევაში) ფაქტორების იდენტიფიცირება და განხილვა; კერძო სექტორის, მათ შორის, მცირე და საშუალო მეწარმეობის განვითარების  საკითხებზე წინადადებების და შესაბამისი რეკომენდაციების მომზადება; კერძო სექტორის, მათ შორის მცირე და საშუალო მეწარმეობის განვითარების საკითხებთან დაკავშირებული განხორციელებული, მიმდინარე და დაგეგმილი რეფორმების განხილვა; კანონმდებლობით დადგენილი წესით მიმდინარე და დაგეგმილი საკანონმდებლო და ინსტიტუციური ცვლილებების გამჭვირვალობის უზრუნველყოფა და ამ მიზნით, განხილვების და დისკუსიების ორგანიზება.

საბჭოს, როგორც საჯარო და კერძო სექტორს შორის დიალოგის და თანამშრომლობის გაღრმავების მნიშვნელოვანი პლატფორმის ფუნქციონირება, მთავრობისთვის ერთ-ერთი მთავარი პრიორიტეტია კერძო სექტორის, განსაკუთრებით კი მცირე და საშუალო მეწარმეობის განვითარების პროცესში.

 

 

 

(NS)



სოციალური ქსელები
კომენტარები



კახა კალაძე, ხაბეიშვილს მთაწმინდიდან, ხოლო სააკაშვილს ჰოლანდიიდან „გამოქანებას“ სთავაზობს
ვერაზე მომხდარი სროლის საქმეზე დაკავებულებს აღკვეთის ღონისძიების სახით პატიმრობა შეეფარდათ

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics