08:08 - 24 Apr, 2019
2018-12-13 15:02:35, 1620 ნახვა
კარასინი: ვიმედოვნებდით, რომ არჩევნების შემდეგ თბილისის მტრული რიტორიკა შემცირდებოდა

რუსეთის საგარეო საქმეთა მინისტრის მოადგილის გრიგორი კარასინის შეფასებით, ოკუპირებული აფხაზეთისა და ე.წ. სამხრეთ ოსეთის გარშემო არსებულ ვითარებასთან დაკავშირებით, საპრეზიდენტო არჩევნების შემდეგ, საქართველოს მტრული რიტორიკა არ შეცვლილა.

როგორც კარასინმა ჟენევის მოლაპარაკებების დასრულების შემდეგ განაცხადა, 

„საქართველოში საპრეზიდენტო არჩევნები ჩატარდა. ვიმედოვნებდით, რომ ამის შემდეგ თბილისის მტრული რიტორიკა შემცირდებოდა. პირდაპირ ვიტყვი, ეს იმედები სრულებით არ გამართლდა. საქართველოს ახალი წარმომადგენელი, საგარეო საქმეთა მინისტრის მოადგილე, ლაშა დარსალია კვლავინდებურად აფხაზეთისა და სამხრეთ ოსეთის არაღიარების, რუსეთის ოკუპაციასა და 2008 წლის შეთანხმებით ნაკისრი ვალდებულებების თითქოსდა შეუსრულებლობაში დადანაშაულების პრინციპებზე დგას“, – განაცხადა გრიგორი კარასინმა.

კარასინის თქმით, ოკუპირებული აფხაზეთისა და ე.წ. სამხრეთი ოსეთის დელეგაციებს მოუწიათ შეეხსენებინათ ოფიციალური თბილისისთვის იმ ცვლილებების შესახებ, რომლებიც ოკუპირებულ ტერიტორიებზე გასული 10 წლის განმავლობაში განხორციელდა.

"აზრთა სხვადასხვაობა იყო და ისევ ვერ მოხერხდა ცეცხლის შეწყვეტის შესახებ შეთანხმების მიღება", - აღნიშნა კარასინმა და დასძინა, რომ შემდეგი შეხვედრა 2019 წლის მარტში შედგება. 

გარდა ამისა, კარასინმა განაცხადა, რომ შეხვედრის ყველა მონაწილე, საქართველოს გარდა, შეთანხმდა იმაზე, რომ ე.წ. საზღვრის მიმდებარედ სიტუაცია სტაბილურია. 




ავტორი: ,


სოციალური ქსელები
კომენტარები
ვიდეო/LIVE

შს მინისტრის კომენტარი პანკისის ხეობაში განვითარებულ მოვლენებზე






მსახიობ ლევან ჯიბღაშვილს ბრალი დიდი ოდენობით ნარკოტიკების შეძენა-შენახვა-გადაზიდვისთვის ედება
პრაიდი: შსს-ს განცხადებით, გააკეთებენ მაქსიმუმს, რომ ღირსების მარში მშვიდობიანად ჩატარდეს

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics