21:31 - 25 Sep, 2018
2018-09-14 16:18:57, 182 ნახვა
გორში მიმდინარე აქციას ზაზა სარალიძე და მალხაზ მაჩალიკაშვილი შეუერთდნენ

გორის ცენტრში, ადმინისტრაციულ შენობასთან მიმდინარე აქციას ხორავას ქუჩაზე მოკლული დავით სარალიძის მამა, ზაზა სარალიძე, პანკისის სპეცოპერაციის დროს მოკლული თემირლან მაჩალიკაშვილის მამა, მალხაზ მაჩალიკაშვილი და გაზეთ „ქრონიკა +“-ის რედაქტორი, ელისო კილაძე შეუერთდნენ.

ისინი გარდაცვლილი 18 წლის თორნიკე მერებაშვილის მამას, მერაბ მერებაშვილს სოლიდარობას უცხადებენ.

„აბსოლუტურად სოლიდარობას ვუცხადებთ, ბატონ მერაბს, ჩვენ დასაკარგი არაფერი დაგვრჩა, ჩვენი სიამაყეები მიწაში ლპებიან და ჩვენ მანამდე ვიბრძოლებთ, სანამ ისინი(ხელისუფების წარმომდგენლები) არ დალპებიან, არ ეგონოთ, რომ რომელიმე წავიქცევით. ჩვენ ყველაფერს ვითხოვთ მშვიდობიანად, ჩვენ კანონს არასდროს არ გადავალთ, კანონს თვითონ გადადიან და კიდევ გადავლენ ბევრს, თუ მთელი საქართველო ფეხზე არ დადგება“, - განაცხადა ზაზა სარალიძემ.

 მაჩალიკაშვილის განმარტებით,  მათი მხარდამჭერები გაერთიანდებიან და ობიექტური გამოძიებას მოითხოვენ.

„სადაც გამწარებული ხალხი დგას საქართველოში, ყველგან დავრჩები მე. ჩვენ აუცილებლად გავაერთიანებთ ძალებს. არამარტო გორი, არამედ მთლიანი საქართველო, მე მაქვს ამის იმედი“, - განაცხადა მალხაზ მაჩალიკაშვილმა.

ამასთან, აქციის მონაწილეებთან შესახვედრად გორის მუნიციპალიტეტის საკრებულოს თავმჯდომარე დავით რაზმაძე მივიდა, რის შემდეგაც მას და ზაზა სარალიძის შორის სიტყვიერი დაპირისპირება მოხდა. დავით რაზმაძემ, თბილისიდან ჩამოსულ პირებს „პოლიტიკურად მართული“ უწოდა.

გარდა ამისა, მერაბ მერებაშვილი და აქციის მონაწილეები გორში, შინაგან საქმეთა სამინისტროს, პროკურატურისა და ხელისუფლების წარმომადგენლების ჩასვლას ითხოვენ.

შეგახსენებთ, რომ 6 ივლისს, გორი-მეჯვრისხევის გზაზე, სოფელ ხელთუბნის მონაკვეთზე,  18 წლის თორნიკე მერებაშვილის გარდაცვალებასთან დაკავშირებით, შინაგან საქმეთა სამინისტრომ განცხადება გაავრცელა.: „შინაგან საქმეთა სამინისტროს შიდა ქართლის პოლიციის დეპარტამენტი 1999 წელს დაბადებული თ.მ.-ს გარდაცვალების ფაქტთან დაკავშირებით გამოძიებას საქართველოს სსკ-ის 117-ე მუხლის 1-ლი ნაწილით და 276-ე მუხლის მე-5 ნაწილით აწარმოებს, რაც გულისხმობს ჯანმრთელობის განზრახ მძიმე დაზიანებას და ტრანსპორტის მოძრაობის უსაფრთხოების ან ექსპლოატაციის წესის დარღვევას, რამაც ადამიანის სიცოცხლის მოსპობა გამოიწვია. გამოძიების პირველადი ინფორმაციით, მიმდინარე წლის 6 ივლისს გორის მუნიციპალიტეტის სოფელ ხელთუბნის მიმდებარე ტერიტორიაზე, საავტომობილო გზაზე მყოფ 1999 წელს დაბადებულ თ.მ.-ს შეეჯახა ამავე გზაზე მოძრავი „მერსედესის“ მარკის მიკროავტობუსი, რის შედეგადაც თ.მ. საავადმყოფოში მიყვანამდე გარდაიცვალა. საქმეზე მიმდინარე გამოძიების ფარგლებში, ხორციელდება კომპლექსური საგამოძიებო მოქმედებები, მათ შორის, ამოღებულია შემთხვევის ადგილის მიმდებარე ტერიტორიაზე არსებული ვიდეოსათვალთვალო კამერის ჩანაწერი, გამოკითხული 137 პირი. თ.მ.-ს გარდაცვალების ზუსტი მიზეზების დასადგენად - კერძოდ, იყო თუ არა პიროვნების სიკვდილი გამოწვეული ავტოსატრანსპორტო საშუალების შეჯახებით თუ რაიმე სხვა გარემოებით - დანიშნულია ყველა შესაბამისი და კომპლექსური სამედიცინო ექსპერტიზა“. 



სოციალური ქსელები
კომენტარები



ზურაიშვილი: არანაირი კანაფის დედოფალი არ ვარ, მე ვიქნები დედოფალი საინფორმაციო კამპანიის
ბაგა-ბაღის ფანჯრიდან 3 წლის ბავშვის გადავარდნის საქმეზე, აღმზრდელები სასამართლომ დამნაშავედ ცნო

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics