15:42 - 18 Dec, 2018
2018-06-23 19:47:38, 486 ნახვა
ბესელია: დევნილთა სამინისტროსთან დაკავშირებით გვაქვს საინტერესო იდეა და დღეს ამაზე ვიმსჯელებთ

"დევნილთა სამინისტროსთან დაკავშირებით გვაქვს საინტერესო იდეა და დღეს ამასთან დაკავშირებით ვიმსჯელებთ", - ამის შესახებ იურიდიულ საკითხთა კომიტეტის თავმჯდომარემ ეკა ბესელიამ განაცხადა. 

როგორც ბესელიამ აღნიშნა, დღეს მმართველი გუნდი პრემიერის ინიციატივასთან დაკავშირებით გადაწყვეტილებას მიიღებს.

"რაში მდგომარეობს ეს იდეა, არ გავუსწრებთ წინ მოვლენებს, დღევანდელი კონსულტაციების შემდეგ ვისაუბრებთ. დღეს ალბათ საბოლოოდ შევჯერდებით. ორი დღის განმავლობაში ძალიან საინტერესო და სასარგებლო შეხვედრები იყო. დღეს მგონი შევაჯამებთ და მივალთ საბოლოო გადაწყვეტილებამდე როგორი უნდა იყოს მთავრობის ის სტრუქტურული ცვლილებები, რომელზეც ვმუშაობთ და რომელზეც პრემიერს ჰქონდა პარლამენტში გამოსვლის დროს კონცეპტუალური ხედვა წარმოდგენილი", - განაცხადა ეკა ბესელიამ.

ცნობისთვის, "ქართული ოცნების" ცენტრალურ ოფისში პრემიერ-მინისტრის მამუკა ბახტაძის და საპარლამენტო უმრავლესობის შეხვედრა მიმდინარეობს. მმართველი გუნდის წევრები სტრუქტურულ რეორგანიზაციაზე მსჯელობენ. 



სოციალური ქსელები
კომენტარები



დაწესებულებები, რომლებიც 4 დღეში თამბაქოს კონტროლის კანონის დარღვევის გამო დაჯარიმდნენ - ღამის საათებში რეიდები ტარდება
შსს-მ მედიაში გავრცელებული ვიდეო კადრების საფუძველზე გამოძიება დაიწყო

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics