07:59 - 23 Jun, 2018
2018-06-13 21:03:16, 357 ნახვა
სალაძე: შსს ხორავას ქუჩის საქმეზე ყველა მიმართულებით მუშაობს - არ არის გამორიცხული, ახალი დეტალები გამოიკვეთოს

შინაგან საქმეთა სამინისტროში არასამთავრობო სექტორთან გამართული შეხვედრის შემდეგ “საქართველოს ახალგაზრდა იურისტთა ასოციაციის” აღმასრულებელმა დირექტორმა სულხან სალაძემ განაცხადა, რომ უწყება ხორავას ქუჩის საქმეზე ყველა მიმართულებით მუშაობს და არ არის გამორიცხული, ახალი დეტალები გამოიკვეთოს.

„შეხვედრის დროს ჩვენ, რა თქმა უნდა, დავსვით რიგი კითხვები, რომელიც ამ საქმესთან დაკავშირებით საზოგადოებაში არსებობს და მათ შორის ჩვენც გვაქვს ეს კითხვები. იმის გათვალისწინებით, რომ საქმე დახურულია და ბევრ დეტალზე არ არის წვდომა. ბუნებრივია  მათი მხრიდან გარკვეული ინფორმაციის მიღება იყო მნიშვნელოვანი. ერთი რაც შემიძლია ვთქვა, არის ის, რომ შინაგან საქმეთა სამინისტრო, მათივე განცხადებით, მუშაობს ყველა მიმართულებით, რაც ნიშნავს იმას, რომ ეს არ გამორიცხავს ახალი დეტალების გამოკვეთას ამ საქმეში, მათ შორის გამოძიების წარმოების დროს გარკვეულ ხარვეზებზე, რამაც შემდგომში განაპირობა გარკვეული შედეგების დადგომა. სამინისტროს განცხადებით, ისინი მოწადინებულნი არიან და მათი დიდი სურვილია ამ საქმეზე საბოლოოდ დადგეს ისეთი განაჩენი, რომელთა მიმართებაშიც საზოგადოებაში არ დარჩება კითხვები, ამ მიმართულებით მუშაობენ აქტიურად, თუმცა, ისიც კარგად არის ცნობილი, რომ ამ საქმეზე არ არის ისეთი დროის ლიმიტი, რომ ეს განუსაზღვრელი ვადით გაგრძელდეს. ცხადია, გონივრულად მცირე დროის მონაკვეთში უნდა იყოს საბოლოო გადაწყვეტილებები მიღებული.  მათაც აქვთ მოლოდინი, რომ გაცილებით მეტი საუბარი შეიძლება განაჩენის ჩაბარების შემდეგ, ის თუ როგორ ასაბუთებს სასამართლო. ჩემი მოლოდინი არის, რომ საკითხი უნდა გადაწყდეს შინაგან საქმეთა სამინისტროში, პროკურატურაში და სასამართლოში, სხვა უწყებებში არა და მითუმეტეს, ეს საკითხი არ უნდა გადაწყდეს ქუჩაში. თუმცა, ეს არ ნიშნავს, რომ ქუჩაში პროტესტის გამოხატვას რაიმე ფორმით ვეწინააღმდეგები. უბრალოდ, ამ საქმეზე ჭეშმარიტების დადგენა შეიძლება მხოლოდ ამ შენობაში, პროკურატურაში და სასამართლოში“, - განაცხადა სულხან სალაძემ.

შეგახსენებთ, გასული წლის პირველ დეკემბერს, თბილისში, ხორავას ქუჩაზე არასრულწლოვნებს შორის ურთიერთშელაპარაკების დროს ორი მოზარდი - ლევან დადუნაშვილი და დავით სარალიძე დაჭრეს. დადუნაშვილი საავადმყოფოში მიყვანამდე გარდაიცვალა, დავით სარალიძე კი, ინციდენტიდან მეორე დღეს დაიღუპა. მკლელობის ბრალდებით ორი არასრულწლოვანი დააპატიმრეს, 5 პირი კი, დანაშაულის შეუტყობინებლობისთვის პასუხისგებაში მიეცა.

1 ივნისს თბილისის საქალაქო სასამართლომ დამამძიმებელ გარემოებაში ლევან დადუნაშვილის განზრახ მკვლელობაში დამნაშავედ ცნობილ გ.ბ.-ს 10 წლითა და 6 თვით თავისუფლების აღკვეთა მიესაჯა, ხოლო დამამძიმებელ გარემოებაში დავით სარალიძის განზრახ მკვლელობის მცდელობაში დამნაშავედ ცნობილ გ.ჯ.-ს 9 წლითა და 9 თვით.



სოციალური ქსელები
კომენტარები



ე.წ. სამხრეთ ოსეთმა „დამოუკიდებლობის“ დღეზე ოკუპანტები და სეპარატისტები მიიწვია
ამიერკავკასიის ყველაზე დიდი მუსიკალური ფესტივალი TBILISI OPEN AIR 2018 დღეს გაიხსნება
„ტიპი ამეკიდა, ჯერ რას გავხარო, ტრანსი ხარო“ - მწერალ ზურაბ აბაშიძეს ჰომოფობიურ ნიადაგზე ფიზიკურად გაუსწორდნენ

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics