08:09 - 23 Jun, 2018
2018-06-13 19:39:31, 620 ნახვა
კონსტიტუციის თანახმად, მთავრობა გადამდგარია და ყველა მინისტრი მოვალეობის შემსრულებელია

პრემიერ-მინისტრის გადადგომის გამო, მინისტრთა კაბინეტის ყველა წევრი გადამდგარია და ისინი მოვალეობის შემსრულებლებად რჩებიან.

კონსტიტუციის მიხედვით, პრემიერის გადადგომა ან მისი უფლებამოსილების სხვაგვარად შეწყვეტა მთავრობის სხვა წევრთა უფლებამოსილების შეწყვეტასაც ნიშნავს.

საქართველოს პრეზიდენტმა 7 დღის ვადაში პრემიერ-მინისტრად საპარლამენტო უმრავლესობის მიერ შერჩეული კანდიდატი უნდა წარადგინოს, პრემიერ-მინისტრობის კანდიდატი კი, ასევე 7 დღის ვადაში მინისტრთა კაბინეტის შემადგენლობას დაასახელებს და პარლამენტს ნდობის მისაღებად წარუდგენს.

მთავრობის შემადგენლობის წარდგენიდან 7 დღის ვადაში პარლამენტი ნდობის გამოცხადების საკითხს განიხილავს და კენჭს უყრის. მთავრობის შემადგენლობასთან ერთად პარლამენტს სამთავრობო პროგრამაც წარედგინება.

რაც შეეხება ნდობის გამოცხადების პროცედურას, პრემიერ-მინისტრობისა და მინისტრობის კანდიდატები დარგების მიხედვით სამთავრობო პროგრამას საპარლამენტო კომიტეტებსა და ფრაქციებში წარადგენენ, ამის შემდეგ კი, პლენარულ სხდომაზე წარდგებიან.

პლენარულ სხდომაზე პრემიერ-მინისტრობის კანდიდატი სამთავრობო პროგრამას წარადგენს.

შეგახსენებთ, საქართველოს პრემიერ-მინისტრმა გიორგი კვირიკაშვილმა თანამდებობა დატოვა.



სოციალური ქსელები
კომენტარები



ე.წ. სამხრეთ ოსეთმა „დამოუკიდებლობის“ დღეზე ოკუპანტები და სეპარატისტები მიიწვია
ამიერკავკასიის ყველაზე დიდი მუსიკალური ფესტივალი TBILISI OPEN AIR 2018 დღეს გაიხსნება
„ტიპი ამეკიდა, ჯერ რას გავხარო, ტრანსი ხარო“ - მწერალ ზურაბ აბაშიძეს ჰომოფობიურ ნიადაგზე ფიზიკურად გაუსწორდნენ

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics