23:24 - 16 Aug, 2018
2018-05-17 16:04:04, 482 ნახვა
წულუკიანი: ყველა ადამიანის გამოხატვის უფლება დაცულია, ვისაც ლგბტ თემის მხარდაჭერა სურს

იუსტიციის მინისტრის, თეა წულუკიანის განცხადებით, ყველა ადამიანის გამოხატვის უფლება და თავისუფლება დაცულია, ვისაც ლგბტ თემის მხარდაჭერა სურს.

როგორც მან აღნიშნა, სახელმწიფო უწყებები მოწოდებულები არიან, რომ ყველა მოქალაქის კონსტიტუციური უფლება უზრუნველყონ.

წულუკიანმა წინა ხელისუფლება და იმ პერიოდში ჩატარებული აქციებიც გაიხსენა.

„მე ამ წუთებში, როგორც სახელმწიფოს წარმომადგენელი, სტრასბურგის სასამართლოში ვიცავ 17 მაისის საქმეს. იმ 17 მაისის, როდესაც „ნაციონალური მოძრაობა“ იყო ხელისუფლებაში და ადამიანის უფლებები დაცული არ იყო. სახელმწიფომ მაშინ იმ 17 მაისს ვერ უზრუნველყო ლგბტ თემის და მისი წევრების უსაფრთხოება. დღევანდელ დღეს რაც შეეხება, ჩვენი სამართალდამცავი სტრუქტურები და მთავრობა ბოლომდე იყო მომზადებული. მათ შორის საოპერაციო დონეზე, რომ ქუჩაში გამოსული სხვადასხვა ჯგუფები თუ საჭირო გახდებოდა თითოეული მათგანისიგან დაეცვა დ ასევე თითოეული მათგანის უსაფრთხოება უზრუნველყო“,- აღნიშნა იუსტიციის მინისტრმა.

შეგახსენებთ, რომ ჰომოფობიასა და ტრანსფობიასთან ბრძოლის დღისადმი მიძღვნილი აქცია, რომელიც დღეს, 19:00 საათზე, მთავრობის ადმინისტრაციასთან იყო დაგეგმილი, გაუქმდა. როგორც ორგანიზაციები განმარტავენ, მათთვის ცნობილი გახდა, რომ 17 მაისს უპრეცედენტო მობილიზაცია აქვთ გამოცხადებული მათ მიმართ მტრულად განწყობილ ჯგუფებს.

თუმცა, ლგბტ აქტივისტების ნაწილი აცხადებს, რომ დღეს 19:00 საათზე, მთავრობის ადმინისტრაციის შენობასთან მივა და საკუთარ პოზიციას გამოხატავს.



სოციალური ქსელები
კომენტარები



აჭარაში 3 დღეში დიარეით და კვებითი ინტოქსიკაციით 288 ადამიანმა მიაკითხა სტაციონარს
სადაც რუსული ჯარის ერთი ჩექმა მაინც დგას, იმ ადგილს განვითარება არ უწერია

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics