21:03 - 22 Jun, 2018
2017-10-12 19:58:06, 1056 ნახვა
საქართველოს თავდაცვის მინისტრი ევროკავშირის წარმომადგენელს შეხვდა

საქართველოს თავდაცვის მინისტრი ლევან იზორია საგარეო ქმედებათა ევროპული სამსახურის პოლიტიკურ საქმეთა გენერალური მდივნის მოადგილეს ჟან-კრისტოფ ბელიარს შეხვდა.
 
ჟან-კრისტოფ ბელიარი საქართველოში უსაფრთხოების საკითხებზე საქართველო-ევროკავშირს შორის სტრატეგიული დიალოგის დაწყებასთან დაკავშირებით იმყოფება. შეხვედრაზე აღინიშნა, რომ სტრატეგიული დიალოგის ფორმატის ამოქმედება მნიშვნელოვანი მიღწევაა. ეს ნაბიჯი საქართველოს ევროკავშირის უსაფრთხოებისა და თავდაცვის სისტემასთან მაქსიმალური თავსებადობის მიღწევას შეუწყობს ხელს. 
 
მხარეებმა საერთაშორისო თანამეგობრობის წინაშე არსებული გამოწვევის ფონზე მჭიდრო თანამშრომლობის მნიშვნელობას გაუსვეს ხაზი და ევროპის უსაფრთხოების არქიტექტურაში საქართველოს როლზე ისაუბრეს. 
 
ყურადღება გამახვილდა ცენტრალური აფრიკის რესპუბლიკასა და მალიში ევროკავშირის ეგიდით მიმდინარე მისიებში საქართველოს მონაწილეობაზე. საგარეო ქმედებათა ევროპული სამსახურის პოლიტიკურ საქმეთა გენერალური მდივნის მოადგილემ ქართულ მხარეს საერთაშორისო უსაფრთხოების უზურნველყოფაში შეტანილი წვლილისთვის მადლობა გადაუხადა. 
 
ორმხრივი შეხვედრა საქართველოს თავდაცვისა და უსაფრთხოების კონფერენციის ფარგლებში გაიმართა. 

(NS)



სოციალური ქსელები
კომენტარები



ე.წ. სამხრეთ ოსეთმა „დამოუკიდებლობის“ დღეზე ოკუპანტები და სეპარატისტები მიიწვია
ამიერკავკასიის ყველაზე დიდი მუსიკალური ფესტივალი TBILISI OPEN AIR 2018 დღეს გაიხსნება
„ტიპი ამეკიდა, ჯერ რას გავხარო, ტრანსი ხარო“ - მწერალ ზურაბ აბაშიძეს ჰომოფობიურ ნიადაგზე ფიზიკურად გაუსწორდნენ

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics